Një aksident rrugor ka ndodhur mëngjesin e kësaj të premte në aksin Burrel- Milot.

Aksidenti ndodhi pranë Shkopetit, në vendin e quajtur Valbin, ku janë përplasur dy automjete. Nga ky aksident mbeti e plagtosur 18-vjeçarja G.S e cila udhëtonte me mjetin tip 'BMW' , e cila pasi ka marrë ndihmën e parë mjekësore  në Spitalin e Laçit, është nisur drejt Tiranës për ndihmë më të specializuar, jashtë rrezikut për jetën.

Po hetohen rrethanat e këtij aksidenti, ku paraprakisht dyshohet se shkak ka qenë humbja e kontrollit të njërit prej automjeteve.

Njoftimi i policisë:

Në aksin rrugor 'Burrel-Skuraj', në një kthesë në vendin e quajtur  Vablin,  janë përplasur dy automjete dhe konkretisht mjeti tip "BMW" me drejtues shtetasin, A.S, dhe mjeti 'trailer' me drejtues shtetasin Xh.Ll.

Si pasojë e përplasjes së dy automjeteve është lënduar pasagjerja shtetasja G.S, rreth 18 vjeçe, që udhëtonte me mjetin tip 'BMW' , e cila  pasi ka marrë ndihmën e parë mjekësore  në Spitalin e Laçit, është nisur drejt Tiranës për ndihmë më të specializuar, jashtë rrezikut për jetën.

Nuk ka persona të tjerë të lënduar. Grupi hetimor vijon hetimet për zbardhjen e shkaqeve të aksidentit.

Redaksia Online
l.q/Shqiptarja.com