Shkrihet dega e LSI në Kuçovë, kalon me PS, Kapllani: Socialistët e vetmja forcë e progresit

Partisë Socialiste të Kuçovës në qarkun e Beratit i është bashkuar sot edhe ish kryetari i kësaj bashkie Selfo Kapllani, një ish- drejtues i propozuar nga LSI. Në takimin me themelues të PS-së Kuçovë,ku ishin të pranishëm kandidatët Blendi Klosi e Bardhyl Kollçaku,ish-përfaqësuesi i LSI-së tha ndër të tjera se Partia Socialiste është e vetmja forcë politike që e ka dëshmuar veten si forca më e emancipuar dhe më avangarde e politikës.

"Duhet sens qytetar e përgjegjshmëri nga të gjithë për të kuptuar çfarë ndodh nëse nuk fitohet ky mandati i tretë. Në krahun tjetër kemi një spektër politik që nuk ofron asnjë lloj besimi,jo vetëm për votuesit e majtë por edhe për të gjithë qytetarët"- deklaroi Kapllani, i cili shtoi se do të japë kontributin e tij për të arritur objektivin për marrjen e 5 mandateve në qarkun e Beratit, për të arritur një fitore do t'ju shërbejë të gjithë qytetarëve për të garantuar vijimin e reformave të nisura.

 

LEXO EDHE:
Berat/ Pasi u konfliktuan me 22-vjeçarin i dogjën orendi në ballkonin e banesës së tij, arrestohen 2 vëllezërit

Kapllani ka deklaruar se i bashkohet Partisë Socialiste si shumë ish-funksionarë të tjerë të LSI, me bindjen e plotë se është e vetmja forcë e progresit dhe partia transformuese e vendit.

B.K.//Shqiptarja.com

TAG:
• Berat
• selfo kapllani
• Fushate elektorale
• zgjedhjet parlamentare 2021