Shkrimtarja e njohur, Flutura Açka, ka bërë një urim ndryshe në këtë përvjetor të Çlirimit të Shqipërisë. Në faqen e saj në ‘Facebook’, shkrimtarja Açka shkruan se në kohët e reja prej akrobacive politike i janë ngatërruar zorrët Atdheut.

Sipas saj, nuk e di i mjeri më ku e ka kokën e ku i ka këmbët, duke e cilësuar hipokrite elitën.  Ajo rendit disa nga problematikat kryesore në vend, duke nisur me Valbonën e shkatërruar, Vjosën e kërcënuar, për ta mbyllur me diktaturën e rehabilituar dhe popullin e duruar.

Postimi i shkrimtares Flutura Açka:
Monologu i Skënderbeut në passhpinë:
"Ah, sikur në vend të robve të kishte vetëm flamurë në radhë para meje! Por ç'e do, në kohët e reja, prej akrobacive politike, i janë ngatërruar zorrët Atdheut, nuk e di i mjeri më ku e ka kokën, e ku i ka këmbët. Duartrokit, moj elitë hipokrite!

- Valbona e shkaterruar

- Vjosa e kërcënuar

- Llogaraja e gërryer

- Tomorri i sakatuar

- Tirana e betonuar

- Puset e matrikulluar

- Kanabisi i çertifikuar

- Media e parcelizuar

- Çmimet të globalizuar

- Leku i diskretituar

- Bankat akaparuar

- Spiunët të nderuar

- Diktatura e rehabilituar

- Populli i duruar

Uh... paska shumë. Mbaroi dhe ceremonia, të tjerat i dini vetë, o shqiptarë! I juaji, Skënderbeu!"

d.c./shqiptarja.com