Shkrimtarja serbe ia thotë në sy Vuçiçit: Kosova është e pavarur, Serbia duhet ta njohë

Shkrimtarja serbe, Biljana Srbljanoviç, ia ka thënë në sy presidentit të Serbisë, Aleksandër Vuçiç, se Kosova është shtet i pavarur. Gjatë një debati televiziv në “TV Prva”, Srbljanoviç i tha Vuçiçit që Serbia duhet ta duhet ta njohë pavarësinë e Kosovës.

Por përgjigja e Vuçiç nuk ndryshoi aspak, ai mbajti të njëjtin qëndrim që Serbia në asnjë mënyrë nuk duhet ta pranojnë pavarësinë e Kosovës.

“Kosova është shtet i pavarur për 15 vjet, fqinji ynë me të cilin duhet të kemi marrëdhënie të mira. Serbia duhet ta njohë atë dhe shpresoj se gjithçka po shkon në atë drejtim", tha shkrimtarja.

LEXO EDHE:
7 orë diskutime të tensionuara Kosovë-Serbi në Bruksel! Lajçak paraqet propozim kompromisi për çështjen e dinarit! Bislimi: Përafron palët

Presidenti Vuçiç i tha shkrimtares se ky mendim i saj vjen pasi me siguri ka dëgjuar disa kandidatë të tjerë për president.

“Unë nuk mendoj se ne duhet ta pranojmë apo njohim pavarësinë e Kosovës në asnjë mënyrë, por duhet të punojmë me shqiptarët nga Kosova për bashkëpunim të ndërsjellë. Por, kjo është e pamundur sepse pavarësia është gjithçka për të çfarë ata duan të flasin”, ka shtuar Vuçiç.

 

SI.E./Shqiptarja.com

TAG:
• serbi
• kosove
• Biljana Srbljanoviç
• aleksander vucic
• kosove-serbi