‘Shkrirja’ e ASA-s, Ina Zhupa thërret në interpelancë ministren Kushi: Të vijë të japë llogari pse merren vendime për të plotësuar orekse

Deputetja e PD-së, Ina Zhupa ka thirrur në një interpelancë urgjente ministren e Arsimit dhe Sportit, Evis Kushi për shkrirjen e Akademisë Shkencore të Albanologjisë. Në deklaratën për media kërkon që Kushi të paraqitet në seancën e ardhshme plenare dhe të japë llogari për këtë vendim.

“Është e paprecedentë, në shkelje të ligjit dhe kundra interesave shkencore kombëtare. Ministrja Kushi në emër të çakejve kërkon  përmbylljen e Akademisë së Albanologjisë vetëm për të plotësuar disa orekse të Skënder Gjinushit si një qokë për një parti të falur. Gjinushi nuk ngopet me Akademinë e Shekncave dhe kërkon mbylljen e studimeve albanologjike dhe kthimin në aneks. Pavarësisht dëshirave të një personi, fajtori është ai që e ekzekuton këtë vrasje që është Ministria e Arsimit dhe kryeministri Edi Rama”, tha Zhupa.

Deputetja theksoi se ankesën e saj për shkrirjen e Akademisë do ta dorëzojë në Komisionin e Edukimit.

Pas tentativës së verës së vitit 2021, Akademia e Shkencave është një hap, afër realizimit të përpjekjeve për kalimin e instituteve kërkimore të Akademisë së Studimeve Albanologjike si pjesë të sajën. Ky projektvendim, kërkon mbylljen e veprimtarisë së ASA-s dhe kalimin e të gjitha aseteve të saj në Akademinë e Shkencave.

Projektvendimi, në zbatimin e të cilit është e përfshirë edhe Ministria e Arsimit do të bllokonte të vetmen derë që përgatit albanologët e ardhshëm. 

A.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Nikoll: 29/05/2023 14:18

    E cfare nuk u be dikur ne DRAP in e Fierit me ne krye Brunilda Dhamin ,e çfare nuk u be ne ZVA ne e Vlores me ne krye Alma Bakiun dhe znj.ministre nuk u ndje fare.Biles shperfillte vrejtjet qe dergoheshin duke mos kthyer pergjigje.Çfare prisni nga znj.Kushi?

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Arrestimi i Evis Berberit, qeveria emëron Gentian Gjylin në krye të ARRSH

Arrestimi i Evis Berberit, qeveria emëron Gentian Gjylin në krye të ARRSH