POP 5

Lajmet më të lexuara të 5 minutave të fundit

Ekonomi

'Shkundja' e tërmetit ende pasoja në buxhet! Në 5 vite rindërtim, kostoja 920 mln €

Në 5 vite nga buxheti i shtetit janë shpenzuar afro 920 milionë euro për të ndërtuar lagjet e reja ku po strehohen banorët e prekur nga tërmeti i 26 nëntorit 2019. Deri më tani kanë hyrë në shtëpi të re afro 7 mijë familje, ndërsa i gjithë procesi planifikohet të mbyllet në 2026-ën.

Ende pasojat materiale të rindërtimit vijojnë të ndjehen në buxhetin e shtetit. Shifrat zyrtare të Ministrisë së Financave tregojnë se fatura financiare për rindërtimin e vendit në këto 5 vite ka arritur në mbi 920 milionë euro.

Por shpenzimet për këtë proces nuk do të mbarojnë as në vitin 2025. Në projektbuxhetin e vitit të ardhshëm janë planifikuar të shpenzohen 50 milionë euro për rindërtimin e vendit pas tërmetit tragjik të 26 nëntorit të 2019-ës.

Ndërsa për këtë vit janë planifikuar të shpenzohen 90 milionë euro nga të cilat deri në fund të shtatorit janë shpenzuar 70 milionë euro. Që kur ka nisur rindërtimi deri më tani afro 7 mijë familje kanë hyrë në banesa të reja.

Sa i takon fondeve për këtë proces ato kryesisht kanë qenë nga buxheti i shtetit. Dëmet e shkaktuara nga tërmeti kërkonin investime në vlerën 1 miliardë e 80 milionë euro ku mbi 800 milionë euro ishin vetëm dëmet për strehim.

Për rindërtimin e Shqipërisë në Konferencën e Donatorëve të mbajtur në Bruksel më 17 shkurt 2020, vendit iu ofruan 1.15 miliardë euro, 300 milionë nga të cilat ishin grante, pjesa tjetër kredi.

Mesa duket përgjatë këtyre viteve, Shqipëria ka vendosur të marrë vetëm projektet e BE-së të përqendruara më së shumti nëpër objektet arsimore dhe kulturore, dhe pjesën e banesave ta mbulojë me fonde të buxhetit, pa përfshirë 524 apartamente të financuara nga Turqia dhe pjesën e apartamenteve të ndërtuara nga Emiratet Arabe.

Edhe pse ende nuk ka një datë për mbylljen përfundimtare të tij, financimi i planifikuar në buxhetin e shtetit është deri në vitin 2026, kur do të jepen 50 milionë eurot e fundit.

FATURA E RINDËRTIMIT
Shpenzuar            920 mln euro
Pa shpenzuar        280 mln euro
Kostoja totale       1.2 mld euro

G.M./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ehu: 07/11/2024 19:13

    Po i madhi sikur tha mbaron brenda vitit, apo ce deshe?

    Përgjigju
  • WTF: 07/11/2024 17:23

    Njerezit u vrane nga termeti dhe kjo thote “shkundja” !

    Përgjigju
  • Termet Peçiu: 07/11/2024 17:11

    Keni harruar te kostot dhe 300 milion euro te vjedhura nga urithi Arben Hametaj me banden e PS.

    Përgjigju
  • Sondazhi i ditës:

    Çfarë prisni në vitin 2025?

Lajme të tjera



×

Lajmi i fundit

Reportazhi/ Mrekulli, e ke emrin Unaza e Madhe e Tiranës!

Reportazhi/ Mrekulli, e ke emrin Unaza e Madhe e Tiranës!

3 Janar, 08:27 nga Hamdi Jupe