POP 5

Lajmet më të lexuara të 5 minutave të fundit

Kronikë

Shoferi kalon me të kuqe në sy të policisë dhe ndalohet ndërsa një baba shoqërohet për dhunë ndaj vajzës së mitur/ Emisioni 112

Në këtë episod emisioni "112" është në patrullim me efektivët e Komisariateve Nr. 3 dhe Nr. 2 teksa ata i përgjigjen thirrjeve të qytetarëve në numrin e emergjencës.  Gjatë pasdites një tjetër telefonatë vë në lëvizje emergjente efektivët e Komisariatit nr.3 për një person të shtrirë dhe i gjakosur në Don Bosko.  Ndërsa efektivët e Komisariatit nr. 2 përballen me një shofer që kalon semaforin e kuq ndërsa mjeti i policisë ishte mbrapa dhe vihet në ndjekje. Efektivët e komisariatit nr.2 shoqërojnë një baba për dhunë në familje ndërsa dyshohet se dhunoi vajzën e tij minorene.

TIRANË - Në këtë episod emisioni "112" është në patrullim me efektivët e Komisariateve Nr. 3 dhe Nr. 2 të kryeqytetit teksa ata i përgjigjen thirrjeve të qytetarëve në numrin e emergjencës.

Një telefonatë vjen në sallën operative në orët e paradites për një çantë të dyshimtë shumë pranë sheshit Skënderbej. Çanta ishte lenë në mes të rrugës në krah të Hotel Tiranës. Efektivët e parë të Policisë që mbërritën në zonë fillojnë menjëherë largimin e qytetarëve që ndodheshin pranë dhe vendosjen e shiritave "vendngjarje" për kufizuar kalimin e tyre ndërsa është njoftuar gjithashtu njësia anti-eksploziv.

Gjatë pasdites një tjetër telefonatë vë në lëvizje emergjente efektivët e komisariatit nr. 3. Telefonuesi thotë se në zonën e Don Boskos ndodhet një person i shtrirë dhe i gjakosur. Duke mos ditur se me çfarë ngjarje do përballeshin në zonë, dy patrulla të këtij komisariati nisen me shpejtësi drejt vendit të raportuar ndërsa me ta ndodhemi edhe ne.  Një autoambulancë është gjithashtu në zonë me dy patrullat e policisë.

Teksa efektivët e komisariatit nr. 3 po përgjigjeshin në ngjarjen në Don Bosko, në zonën pranë sheshit Willson, në rr. Sulejman Delvina, një automjet kalon me semafor të kuq duke rrezikuar edhe përplasjen me një tjetër makinë që i vinte përpara, ndërsa prapa këtij automjeti që bëri këtë shkelje rrugore ndodhej mjeti i policisë të komisariatit nr. 2 që vihet në ndjekje për ta ndaluar. Shoferi një djalë i ri ndalohet pas 100 metrash thotë se "e ngatërroi". Në emisionin "112" ju sjellim momentet kur mjeti kalon semaforin e kuq ndërsa mbrapa ndodhej makina e policisë që vihet në ndjekje. Pasi u ndalua ky shofer mori masën administrative me komision për shkeljen e kryer.

Teksa orët kalojnë,në sallën operative vjen një telefonatë për dhunë në familje. Në këtë rast bëhet fjalë për një baba që po dhunonte vajzën e tij të mitur në zonën e Komisariatit nr. 2. Efektivët shkojnë në banesë ndërsa aty gjejnë vajzën në gjendje jo të mirë dhe kryejnë shoqërimin e babait në komisariat pas dyshimeve se kishte rrahur të bijën.

Në mbrëmje një telefonues në numrin e emergjencës "112" thotë se një familje është duke u djegur në një apartament pranë Ministrisë së Arsimit dhe se ai po sheh tym e flakë. Shërbimet nisen me urgjencë ndërsa telefonata është vërtetë shqetësuese. Ndiqni emisionin e plotë për të parë vijimësinë e ngjarjeve të mësipërme.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Nduro: 29/12/2019 10:21

    Respekte Yll Sollaku

    Përgjigju
  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06