Trajneri i Kombëtares U-21 Alban Bushi thotë se shorti i kualifikueseve të Europianit 2023 qëlloi shumë i fortë. Gjithsesi Bushi për faqen e “FSHF” shprehet se është një avantazh i madh që Shqipëria i njeh 3 nga 5 kundërshtarët, pasi Anglia, Kosova dhe Andora ishin pjesë e fushatës që u mbyll në 2020.
Ndërkohë dy skuadrat tjera në grupin e Shqipërisë janë Republika Çeke dhe Sllovakia.
“Shorti është shumë i fortë, si të gjithë shortet në përgjithësi kur bien, por mendoj që kemi një favor këtë herë, sepse njohim mirë tre nga ekipet, Andorrën, Kosovën dhe Anglinë. Dy ekipet e tjera, Çekinë dhe Slloveninë, pak a shumë dihet futbolli i tyre, futboll i fortë, luftë në ajër. Do të mundohemi të bëjmë maksimumin. Kemi lojtarë shumë të mirë, pothuajse 80% e ekipit janë nga sezoni i kaluar dhe kjo na bën që të ndihemi mirë, të përforcohemi me lojtarë akoma të rinj, siç kanë ardhur nga U-19 dhe nga U-20 dhe mendoj që do bëjmë më të mirën”, – u shpreh Bushi.
Më tej, trajneri i Shpresave foli edhe për objektivin e Shqipërisë në këto eliminatore, teksa theksoi se skuadra do të japë gjithçka për të provuar kualifikimin për në fazën finale. Nëse Shqipëria arrin në vendin e dytë mund të sigurojë pjesëmarrjen në play-off.
“Objektivi ynë është që të bëjmë gjithmonë maksimumin në çdo ndeshje për ta fituar atë, por gjithsesi edhe të furnizojmë ekipin kombëtar A. Por këtë sezon do të futemi siç jemi futur te të gjithë sezonet e mëparshme për të fituar pothuajse çdo ndeshje. Ndeshjen e parë e kemi me Andorrën në qershor. Uroj ta fillojmë atje me këmbë të mbarë dhe çdo gjë të ecë mirë. Kemi një ekip shumë të fortë. Kemi bërë mirë në eliminatoret e kaluara. Shpresoj që të bëjmë mirë edhe në këto eliminatore.
Ne mund të shkojmë shumë lart sepse kemi lojtarë shumë të mirë, por gjithsesi duhet të japim maksimumin në çdo ndeshje dhe në çdo stërvitje. Kur jemi të mobilizuar 100% , ne bëjmë gjëra shumë të mira. Unë këtë i kërkoj lojtarëve dhe këtë do t’i kërkoj edhe këtë sezon dhe uroj me shpresën e Zotit, të kualifikohemi”, – tha ndër të tjera trajneri Alban Bushi në prononcimin e tij.
Lajme të tjera
-
Ndryshime në listën e Kombëtares, Alban Bushi fton mesfushorin e Tiranës
14 Nëntor, 13:57 -
Kombëtarja U-21/ Alban Bushi fton Stiven Shpendin
13 Nëntor, 10:02 -
Shpresat/ Trajneri Alban Bushi grumbullon talentin e Leçes
12 Nëntor, 09:18 -
Lista/ Dy ndeshjet e Kombëtares U-21, Alban Bushi zbulon 'Shpresat' kuqezi
10 Nëntor, 21:57 -
Humbi prindërit në aksident, Alban Bushi: Kështu është ulëritëse, sot mora orat që pulsonin në zemrat tuaja
31 Tetor, 15:42 -
Zi në familjen e ish futbollistit të kombëtares/ Alban Bushi humb prindërit në aksident tragjik në Verria të Greqisë (EMRAT)
30 Tetor, 17:06 -
Kombëtarja U-21 mbylli kualifikueset në vendin e 4, Bushi: S'ishte objektiv kualifikimi, akademitë shqiptare punojnë dobët
21 Tetor, 15:07 -
Kualifikimi larg, Kombëtarja U-21 e mbyll grupin në vendin e katërt! Shqipëria mposht 1-0 Armeninë
16 Tetor, 12:06 -
Maldin Kaçurri ftohet për herë të parë, Shqipëria U-21 luan në 'Air Albania' ndaj Armenisë! Trajneri Bushi publikon listën
5 Tetor, 09:21 -
Tetori kuqezi/ Ekipet kombëtare me misione të rëndësishme (Kalendari)
1 Tetor, 09:38 -
U-21/ Kombëtarja jep 'Shpresë', dopieta e Pajazitit dhe pritja e Lilos i japin fitoren 1-2 kundër Zvicrës
6 Shtator, 21:49 -
Lista, grumbullimi dhe ndeshja 'jetë a vdekje' e Kombëtares U-21! Trajneri Bushi: Në Zvicër vetëm për fitoren
29 Gusht, 13:47
