TIRANE - Shpallet juria e festivalit të 51 në RTSH. Sipas organizatorëve kjo juri do të jetë e përbërë “nga 7 anëtarë mes të cilëve tre të huaj dhe katër shqiptarë”. Juria do të vendosë për dy netët e para të festivalit në RTSH, se cilët do të jenë të përzgjedhurit për natën finale.

Edicioni i 51-të të Festivalit të Këngës në RTSH do të mbahet në datat 20, 21 dhe 22 dhjetor. Festivali i Këngës në RTSH do të mbajë firmat e drejtorit Petrit Beci, regjisorëve Agron Vulaj e Astrit Idrizi; skenaristëve Edi Oga e Engjëll Ndocaj; drejtorit artistik Shpëtim Saraçi, skenografit Adnand Kastrati, drejtorëve të fotografisë Franko Ferrari e Leonard Qendro. Drejtor zëri të tij janë Emanuele Donini e Mauro Laficara.

Joni Peçi është përzgjedhur si drejtor imazhi. Festivali do të prezantohet nga gazetari Enkel Demi dhe "Miss World Albania 2011" Floriana Garo. Këngëtarët të vendosur sipas radhës që do këndojnë në dy netë janë: Nata e parë: Selami Kolonja, Rosela Gjylbegu, Kejsi Tola, Vesa Luma, Elis Nova, Kozma Dushi, Bon bon Band, DR.Flori&Fabi, Merland Kademi, Rezarta Smaja, Ardian Bujupi, Xheni&Enxhi Kumrija, Arjela Krasniqi. Në natën e dytë interpretojnë: Arjan Dredhasi, Adrian Lulgjuraj & Bledar Sejko, Hersi Matmuja, LNYX, Entela Zhula, Anjeza Shahini, Kelly, Bojken Lako, Marsela Çibukaj, Valon shehu, Ani Çuedari, Grupi "Na" dhe Flaka Krelani.


Anëtarë të huaj:
Nicola Caligiore-Shef i delegacionit të RAI-t në Festivalin Evropian të Këngës
Joseph Mizzi- Shef i delegacionit të RTV të Maltës në Festivalin Evropian të Këngës

Szilva Puspok- Shefe e delegacionit të RTV hungarez në Festivalin Evropian të Këngës

Anëtarë shqiptarë:

Sokol Shupo, Profesor i shkencave muzikore, studiues i muzikës dhe kompozitor. Aktualisht Dekan i Fakultetit të Muzikës në Universitetin e Arteve
Justina Aliaj-Artiste e njohur shqiptare e goditur në Festivalin e 11 të RTSH për performancën e saj.
Zef Çoba kompozitor i njohur
Petrit Ymeri, botues.

(Gre.M/Shqiptarja.com)