POP 5

Lajmet më të lexuara të 5 minutave të fundit

Kosova & Rajoni

Shpend Ahmeti, betim në flamurin
Kuq e Zi, jo atë të Kosovës

Betohet Shpend Ahmeti, si kryetar i Prishtinës. Këtë e ka bërë para shumë qytetarëve që kanë shkuar për ta parë nga afër këtë ceremoni. (Në foto: Shpend Ahmeti gjatë betimit)
FOTO/Ceremonia e marrjes së detyrës
PRISHTINË - Betohet Shpend Ahmeti, si kryetar i Komunës së Prishtinës. Këtë e ka bërë para shumë qytetarëve që kanë shkuar për ta përcjell për së afërmi këtë ceremoni dhe tashmë ish -Kryetarit Isa Mustafa i cili pas pak pritet t'ia dorëzojë detyrën.
 
Pas ceremonisë së betimit Shpend Ahmeti ka realizuar një takim me tashmë ish -Kryetarin Isa Mustafa, ku është bërë pranim-dorëzimi i detyrës. Shpend Ahmeti betohet para dy flamujve, thotë se këtë ia mundësoi administrata e Komunës.
 
Ajo që vihet re, në fjalën e tij të parë, në krah të kreut të Bashkisë së Prishtinës, Shpend Ahmetit qëndron flamuri Kombëtar, ai Kuq e Zi e jo flamuri i Kosovës, me fushë blu dhe 6 yje të verdhë që simbolizon 6 etnitetet që janë në Kosovë.
 
“Falënderoj administratën e komunës që ma mundësoi betimin tim para flamurit kombëtar”, ka thënë Ahmeti në fjalimin e tij.
 
Ai se betimin e dha jo veç para asamblistëve por edhe para qytetarëve ndaj të cilëve do të jetë shërbyes. “Që shërbimin publik ta shndërrojmë në shembull të secilit shërbim. Detyra jonë është që ta mbrojmë interesin publik. Ju ftoj të gjithëve në bashkëpunim”, ka thënë ai, shkruan Express.
 
“Do të punojmë për barazi sociale”, është shprehur Ahmeti, derisa premtoi shumë edhe për pensionistët e Prishtinës. “Në Prishtinë do të punojnë për pensionistët, shtresë e harruar deri tash. Do të punojmë për vajzën dhe gruan për shkak që diskriminimi po vazhdon. Do të punojmë për rininë. Do të punojmë për ata qe jetojnë në gjendje të rëndë ekonomike”.
 
I garantoj punëtorët e komunës se nuk do t’i largojë nga puna. “Administrata nuk ka nevojë të frikësohet. Ata do të vazhdojnë punën normalisht”.
 
Seanca solemne po udhëhiqet nga Feti Mejdiu nga Partia e Drejtësisë. Betimin gjithashtu e dhanë edhe asamblistët e rinj. Raportohet se salla është e stërmbushur me qytetarë të cilët kanë ardhur për ta ndjekur për së afërmi momentin kur Ahmeti jep betimin e tij.

shpend ahmeti
(Në foto: Shpend Ahmeti duke bërë betimin si kreu i Komunës së Prishtinës) Foto të tjera

shpend ahmeti zyra
(Foto të gazetës Express)


Redaksia online
(ac/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

15 Janar, 18:35