POP 5

Lajmet më të lexuara të 5 minutave të fundit

Ekonomi

Shpenzime luksi, Qeveria
1.2 miliardë lekë për Nishanin

Që nga zgjedhja e Bujar Nishanit në postin e presidentit, janë dhënë deri tani 1.2 miliardë lekë të vjetra nga buxheti i shtetit për riparimin e Presidencës dhe Vilës nr.4 që shërben si residencë presidenciale. Jepen 570 mijë euro edhe për lobingun
Janë 1.2 miliardë lekë të vjetra, që, me disa vendime të Këshillit të Ministrave, janë dhënë në favor të rikonstruksionit të Vilës nr.4 të Drejtorisë së Shërbimeve Qeveritare dhe të selisë së Presidencës së Republikës, nga momenti i zgjedhjes në postin e kryetarit të shtetit të Bujar Nishanit.
Me VKM datë 24 janar 2013, qeveria vendosi që Drejtorisë së Shërbimeve Qeveritare, në buxhetin e miratuar për vitin 2013, t’i shtohet fondi prej 48.8 milionë lekësh të reja, për rikonstruksionin e plotë të vilës nr. 4 në Tiranë.

Vila në fjalë është selia rezidenciale ku banon presidenti i Republikës Bujar Nishani dhe familja e tij. Për këtë objekt, me një VKM të datës 3 dhjetor 2012, është lejuar Drejtoria e Shërbimeve Qeveritare, si autoritet kontraktor, të përfundojë brenda datës 20 dhjetor 2012, realizimin e procedurave të prokurimit, me objekt “Rikonstruksion i vilës qeveritare nr. 4, Tiranë”.

Me vendim qeverie, “shtëpia e pritjes nr.4” (godina) shtrihet mbi një truall 690 metra katror, ndërkohë që territori përreth saj ze një sipërfaqe prej 3.5 hektarësh.Edhe më parë, ky objekt ka përfituar një shumë tjetër për rikonstruksion. Fjala është për një shifër prej 51.638.144 lekësh të reja që do të përdoreshin nga Drejtoria e Shërbimeve Qeveritare për rikonstruktimin e plotë të vilës nr.4, e cila njihet ndryshe si Vila pranë Pallatit të Brigadave. Dy ish-presidentët e tjerë, Alfred Moisiu dhe Bamir Topi, nuk mundën të shijonin Vilën në fjalë për shkak të fondit të madh që nevojitej për rikonstruksionin e saj. Pra, në total, për rikonstruksionin e plotë janë shpenzuar afro 1 milionë dollarë për një periudhë të shkurtër.Ndërkohë, në prag të festës së 100-vjetorit të Çlirimit, qeveria akordoi edhe një fond të posaçëm prej 13 milionë lekësh të reja për rikonstruksion të selisë së Presidencës, duke çuar në total shifrën për vilën dhe selinë në 1.2 miliardë lekë të vjetra.


Shkrimi u publikua ne gazeten Shqiptarja.com (print)
(sg/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Ylli Pata: Pse Gaz Bardhi i trembet primareve në PD?!

Ylli Pata: Pse Gaz Bardhi i trembet primareve në PD?!

15 Janar, 20:39 nga Ylli Pata