Pas largimeve drejt PS-së të Kryetarëve të LSI dhe të LRI-së në Laprakë,  sëfundi ka vendosur të shkëputet edhe koordinatori i LSI për qarkun e Tiranës Olger Sanxhaku. 

Përmes një postimi në Facebook, Sanxhaku thekson se mosvlerësimi i asnjë prej kontributeve në LSI prej më shume se 15 vitesh, e ka detyruar të largohet si anëtar , kryetari LSI Vaqarr dhe së fundi koordinator Qarku Tiranë.  Ai thekson se ndihet i fyer e i mërzitur nga një mosmirënjohje dhe arrogancë që ka marrë në këmbim të gjithçka që ka dhënë në LSI.

Sanxhaku nuk është koordinatori i parë që ka shprehur pakënaqësi nga LSI. Në njësinë 11 në Tiranë dy drejtuesit, kryetari i LSI dhe kryerari i LRI, Gentian Arapaj dhe Qamil Nureci kanë dhënë dorëheqjen disa ditë më parë.

Pas dorëheqjes, Gentian Arapi ka shpjeguar dhe arsyet se pse u largua. Përmes një postimi në Facebook, Arapi u shpreh i zhgënjyer nga arroganca me të cilën i është shpërblyer e gjithë puna dhe kontributi i tij në krye të degës së LSI Laprakë.

“Të dashur miq, të dashur bashkëpunëtorët e mi! Nga dita e sotme kam vendosur të ndërpres çdo angazhimin tim si pjesë e strukturave të LSI !! Duke filluar si anëtar në vitin 2006 Kryetar njësia Administrative Vaqarr 2017 edhe duke e përfunduar vitin 2020 si Koordinator Qarku Tiranë!

Mosvlerësimi i asnjë prej kontributeve të mia në këtë Parti prej me shume se 15 vitesh, më ka detyruar të largohem si Anëtar , Kryetari LSI Vaqarr dhe së fundi Koordinator Qarku Tiranë. 

Ndihem i fyer, i mërzitur nga një mosmirënjohje dhe arrogancë që kam marrë në këmbim të gjithçkaje që kam dhënë në LSI!!

Dua të falenderoj dhe shprehur mirënjohje për këdo shok mik apo i afërm për besimin që më ka dhënë në kohë dhe momente të caktuara! Ju jam mirënjohës dhe gjithmonë miku juaj!! Respekte për ju të dashur Shokë ,Miq dhe të Afërm ! Falenderimet ju takojnë vetëm ju !!! I Juaji Olgeri”, shkruan ish- Koordinatori i LSI për qarkun e Tiranës Olger Sanxhaku.