Shpërblimet e punonjësve, tabela
sa lekë do të marrin institucionet

TIRANE- Ministria e Financave ka detajuar Fondin e Veçantë sipas institucioneve qeverisëse dhe dikastereve. Ajo që vihet re nga të dhënat është se shuma e alokuar për Kryeministrinë për vitin 2014 është rritur krahasuar me një vit më parë.

Për Kuvendin shuma e Fondit të Veçantë të alokuar për vitin 2014 është ulur krahasuar me një vit më parë. Por të dhënat tregojnë se, si në vitin 2013 ashtu edhe sivjet, shuma totale e Fondit të Veçantë nuk ka ndryshuar por është 1.2 miliardë lekë. Me ndryshimin e Qeverisë, administrata “Rama” ndërmori disa reforma të institucioneve dhe dikastereve, duke rezultuar në ministri dhe institucione qeveritare të reja. Si rrejdhojë edhe alokimi i Fondit të Veçantë ka ndryshuar në varësi të dikastereve dhe institucioneve.
 
Krahasime
Shuma e alokuar nga Fondi i Veçantë për Kuvendin është ulur me 23.37% për vitin 2014 krahasuar me një vit më parë. Gjithashtu, një tjetër dikastër, që ka pasur ulje të konsiderueshme të shumës së alokuar të këtij Fondi, është Ministria e Punëve të Jashtme, me 23.85% më pak se në vitin 2013.

Ministrisë së Shëndetësisë dhe Ministrisë së Mbrojtjes, në vitin 2014 u janë alokuar përkatësisht 8.20% dhe 7.17% më pak para nga Fondi i Veçantë se sa në vitin 2013. Dikasteret që kanë përfituar më shumë nga ky Fond, si në vitin 2014 ashtu edhe një vit më parë, janë Ministria e Mbrojtjes dhe Ministria e Brendshme.

Në vlerë monetare, këtë vit Ministrisë së Mbrojtjes i është alokuar nga ky Fond një shumë prej 130 milionë lekësh krahasuar me afërsisht 141 milionë lekë që iu alokuan në vitin 2013. Shuma e alokuar nga Fondi i Veçantë për Ministrinë e Brendshme për vitin 2014 kap shifrën 190.5 milionë lekë, ose 0.89% më shumë se një vit më parë, duke e bërë këtë dikaster përfituesin më të madh të këtij fondi. Ndërkaq, sipas të dhënave, zërit “institucione të tjera Qeveritare” i është alokuar një shumë nga Fondi i Veçantë prej 3.2 milionë lekë ose 41,91% më shumë se një vit më parë. Nga ana tjetër në këtë zë janë shtuar edhe 3 institucione, ndër të tjera ai i Auteritetit Shtetëror për Informacionin Gjeohapësinor.
 
Ristrukturimi
Për vitin 2014, nga Fondi i Veçantë Kryeministrisë i janë alokuar 27.37% më shumë para se një vit më parë, që do të thotë se për këtë vit ky dikaste përfiton 2.25 milionë lekë. Nga ana tjetër duhet thënë se me reformën e dikasterëve dhe institucioneve, që ndërmori Qeveria, Kryeministrisë i janë shtuar edhe 3 ministra Shteti. Për sa u përket ministrive të ristrukturuara është e pamundur të bëhen krahasime të alokimit të Fondit të Veçantë ndërmjet viteve 2013 dhe 2014.

Si do të shpërndahet fondi i veçantë
 

Institucioni buxhetor	Fondi i Veçantë/Lekë
	Viti 2013	Viti 2014	Ndryshimi në përqindje
Presidenca	1,051,406	1,050,000	-0.13
Kuvendi	4,828,167	3,700,000	-23.37
Këshilli i Ministrave/Kryeministria	1,770,789	2,250,000	27.06
Mnistria e Financave	43,315,157	43,700,000	0.89
Ministria e Shëndetësisë	51,906,250	47,650,000	-8.20
Ministria e Drejtësisë	60,331,331	60,800,000	0.78
Ministria e Punëve të Jashtme	2,587,012	1,970,000	-23.85
Ministria e Brendshme	188,658,189	190,500,000	0.98
Ministria e Mbrojtjes	140,971,398	130,870,000	-7.17
Shërbimi Informativ Shtetëror (SHISH)	12,907,391	12,600,000	-2.38
Drejtoria e Përgjithshme e Arkivave	2,144,315	2,180,000	1.66
Akademia e Shkencës	401,194	420,000	4.69
Kontrolli i Lartë i Shetit	2,227,320	2,250,000	1.02
Prokuroria e Përgjithshme	11,413,288	11,550,000	1.20
Zyra e Administrimit të Buxhetit Gjyqësor	16,808,660	17,550,000	4.41
Gjykata Kushtetuese	733,217	780,000	6.38
Agjencia Telegrafike Shqiptare (ATSH)	1,134,412	1,150,000	1.37
Instituti i Statistikës (INSTAT)	3,264,892	3,360,000	2.91
Shkolla e Magjistraturës	318,189	330,000	3.71
Qëndra Kombëtare e Kinematografisë	124,509	130,000	4.41
Këshilli i Lartë i Drejtësisë (KLD)	691,714	700,000	1.20
Avokati i Popullit	664,046	700,000	5.41
Komisioni i Shërbimit Civil	332,023	340,000	2.40
Komisioni Qëndror i Zgjedhjeve	760,886	750,000	-1.43
Inspektoriati i Lartë i Kontrollit të Deklarimit të Pasurive	608,709	730,000	19.93
Autoriteti i Konkurrencës	498,034	610,000	22.48
Ministria e Integrimit	1,037,572	1,280,000	23.36
Këshilli Kombëtar i Kontabilitetit	83,006	85,000	2.40
Institucione të tjera Qeveritare	2,254,989	3,200,000	41.91
Mbështetje për shoqërinë civile	176,846	180,000	1.78
Komisioneri për Mbrojtjen e të Dhënave Personale	401,194	405,000	0.95
Komisioneri për Mbrojtjen nga Diskriminimi	318,189	320,000	0.57
Instituti i Studimeve të Krimeve të Komunizmit	207,514	210,000	1.20

 

Institucione të tjera
 

Institucioni buxhetor	Fondi i Veçantë/Lekë		Ndryshimi në përqindje
	Viti 2013	Viti 2014
Institucione të tjera Qeveritare	2,254,989	3,200,000	41.91
Agjencia Kombëtare e Shoqërisë së Informacionit	484,200	490,000	1.20
Agjencia Kombëtare e Çertifikimit Elektornik	124,509	125,000	0.39
Drejtoria e Sigurimit të Informacionit të Klasifikuar	511,869	520,000	1.59
Agjencia e Prokurimit Publik	276,686	320,000	15.65
Komiteti Shtetëror i Minoriteteve	110,674	115,000	3.91
Agjencia Kombëtare e Teknologjisë dhe Inovacionit	207,514	210,000	1.20
Komisioni i Prokurimit Publik	249,017	280,000	12.44
Inspektoriati Qëndror	207,514	210,000	1.20
Agjencia Kombëtare për Sigurine Kompjuterike	83,006	85,000	2.40
Autoriteti Shtetëror për Informacionin Gjeohapsinor	-	295,000	-
Departamenti i Adminitratës Publike	-	310,000	-
Shkolla e Aministratës Publike	-	240,000	-

 
Shkrimi u publikua sot (24.01.2014) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com