Në këto ditë të vështira ku e gjithë bota po lëngon nga koronavirusi, ajo që bie në sy dhe dalin në sipërfaqe janë veprimet humanitare dhe gjestet e solidaritetit. Një e tillë është edhe nisma e shqiptarit bukëpjekës në Bergamo të Italisë, zona më e prekur nga koronavirusi, për të shpërndarë bukë falas për personat që kanë nevojë.
Në një lidhje me skype për Report TV, Gazjon Skuqi, bukëpjekësi shqiptar, ka vendosur 'të flasë me duar' për të shprehur ndihmën e tij përmes bërjes së bukëve dhe shpërndarjes së tyre falas për njerëzit në nevojë. Për këtë nisëm, Skuqi ka marrë dhe përgëzime nga Vatikani, ndërsa vetë ai shprehet se gjithçka që bën është në kuadër të vlerave të shqiptarit 'nëse ke nevojë, ne jemi aty për të ndihmuar'.
"Nuk jemi duke bërë asgjë, jemi duke u kthyer respektin e këtij qyteti që na ka mirëpritur. Kultura jonë e ka zakon se kur njerëzit që na rrethojnë janë në vështirësi, ne t'i japim një dorë" ka thënë bukëpjekësi shqiptar i cili ndodhet në Itali prej 15 vitesh dhe gjithmonë ka ndjerë mikpritjen e italianëve.
"Shumica pranojnë solidaritetin, por ka dhe nga ata që kanë dëshirë të paguajnë dhe atë bukë falas t'ia lënë dikujt tjetër që ka më shumë nevojë. Në Bergamo ka shumë shqiptarë dhe të gjithë janë ndjerë të mirëpritur nga Italianët. Në përgjithësi Italia i njeh vlerat e shqiptarit dhe na respekton dhe madje dhe ata kanë një shprehje për të gjithë shqiptarët "Nëse ke nevojë, shqiptarët janë të parët që vijnë në ndihmë' dhe kjo na kënaq. Për këtë nisëm na kanë marrë dhe nga Vatikani për të na përgëzuar", shprehet Gazjoni, i cili ashtu siç ka dhe emrin, kërkon të shpërndajë vetëm 'gaz e hare' në këto kohë të vështira, ndërsa bën thirrjen për gjithë të tjerët të ndihmojnë sadopak, pasi 'kur të gjithë mundohemi nga pak bëhet një ndihmë e madhe".
Në fund, Skuqi bëri dhe një apel për respektimin e masave për fitimin e betejës, pasi në të kundërt do i bëjmë dëm vetëm vetes tonë.
"Situata është alarmante, por ne duhet të bëjmë punën tonë duke treguar kujdes dhe të rrimë në shtëpi. Ruani njerëzit e familjes dhe mos dilni jashtë, kjo është gjithçka që mund të bëjmë. Mos mendoni se po ju shek kush dhe nuk po merrni gjobë e dilni fshehurazi, vetëm vetes do i bëni dëm", tha Skuqi.
Në Italia janë shënuar gjithsej 18 279 viktima, janë shëruar 28 470 pacientë dhe kanë një total prej 143 626 të prekurish që nga fillimi i epidemisë.
Lajme të tjera
-
Itali/ ‘Skifter’ dhe shpërndarës droge, në pranga 39-vjeçari shqiptar! I gjenden armë, kokainë, hashash, valutë, pajisje dhe materiale të vjedhura
24 Nëntor, 21:21 -
Itali/ Shiste kokainë dhe hashash afër shkollave të Milanos, arrestohet 20-vjeçari shqiptar! I sekuestrohen drogë dhe euro cash
24 Nëntor, 21:06 -
Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali
24 Nëntor, 09:15 -
Itali/ Zbulohet 'streha e drogës', gjenden 76 kg kokainë, pakot dorëzoheshin me furgon! Mes 2 të arrestuarve 1 shqiptar
24 Nëntor, 08:59 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Reduktohet personeli Italian në qendrat e emigrantëve në Lezhë, fillojnë rikthimet në Itali
23 Nëntor, 09:58 -
Itali/ Grupi i ‘skifterëve’ shqiptarë i ikën policisë me ‘Golf’ të vjedhur, njëri arrestohet dhe 2 arratisen! 32-vjeçari i dënuar me rreth 4 vite burg për grabitje
22 Nëntor, 21:34 -
Itali/ Plagosi me kaçavidë dhe i grabiti 14 mijë euro pensionistit në banesë, arrestohet 34-vjeçari shqiptar! Në kërkim prek Korrikut 2023, e tradhtoi xhaketa
22 Nëntor, 20:59 -
Itali/Kishte fshehur brenda dyshekut mbi 2 kg kokainë, arrestohet 22-vjeçari shqiptar! U denoncua nga banorët, shtëpinë e kishte kthyer në bazë droge
21 Nëntor, 21:49 -
U arrestua për rrahjen dhe grabitjen e një italiani, Gjykata e Katanias liron 28-vjeçarin shqiptar! I skeduar më parë për drogë
21 Nëntor, 21:03 -
Itali/ Përgjimet SKY ECC çmontojnë klanet mafioze Sacra Corona dhe Ndragheta, bashkëpunonin me shqiptarët! 33 arrestime të reja, 97 persona nën hetim (EMRAT)
21 Nëntor, 20:06 -
Itali/ Njëri i dënuar dhe tjetri i skeduar për 8 krime, dy shqiptarët 31-vjeçarë kapen duke shitur drogë! Burgosje dhe dëbim nga vendi
21 Nëntor, 17:35
