POP 5

Lajmet më të lexuara të 5 minutave të fundit

Kronikë

'Mbushën' Dhërmiun me droga të forta, në pranga 1 spanjolle, 2 argjenitans, 1 italian dhe 1 brazilian! Vinin si turistë dhe e shpërndanin

Një grup turistësh nga vende të ndryshme janë vënë në pranga nga policia e Dhërmiut pasi shpërndanin drogë në sezon turistik.

DHËRMI- Një grup turistësh nga vende të ndryshme janë vënë në pranga nga policia e Dhërmiut pasi shpërndanin drogë në sezon turistik.

Në pranga kanë rëndë 5 të huaj, një spanjolle, një brazilian, dy argjentinas dhe një italian. Policia ka arrestuar  Telma Graceda, Carlos Machado, Yanina Isasi, Raul Dedominici dhe Nikolas Minichiello, që shpërndanin doza të drogave të forta si GHB, MDMA, Poppers, ekstazi, kokainë dhe kanabis, në Dhërmi, gjatë sezonit turistik.

Gjatë kontrollit fizik dhe kontrollit të ambienteve ku këta ishin akomoduar, shërbimet e Policisë gjetën një sasi lënde narkotike të llojit GHB (Gamma-hydroxybutyrate), të ndarë në 160 doza, 30 doza Poppers, 49 doza ekstazi, 2 doza MDMA, 18 doza kokainë dhe 3 doza kanabis, të cilat u sekuestruan në cilësinë e provës materiale, së bashku me 5 aparate celulare. 

Gjithashtu, shërbimet e Policisë gjetën dhe sekuestruan edhe 2 610 pesos (monedha argjentinase), 340 euro dhe 400 dollarë, të dyshuara të përfituara nga shitja e lëndëve narkotike. 

Nga veprimet hetimore dyshohet se këta 5 të huaj kishin ardhur si turistë në Dhërmi dhe në bashkëpunim me njëri-tjetrin, shpërndanin lëndë narkotike në doza, në këtë zonë bregdetare, kryesisht për turistët e tjerë, në lokalet e natës dhe në aktivitetet e ndryshme të argëtimit që zhvillohen në bregdet, gjatë sezonit turistik. 

Fenomeni i shitjes së drogës në Dhërmi në clubet e natës ka qenë i shpeshtë. Vetëm pak ditë më parë, dy anglezë Stephen Richards dhe Richards Deacon kanë rënë në pranga ndërsa bashkëpunëtori i tyre po prapë anglez është shpallur në kërkim pasi shisnin kokainë dhe ekstazi në Dhërmi e Himarë.

Pas tyre, ka pasur edhe 2 arrestime të tjera për shpërndarje drogash të forta në Dhërmi.

Materialet procedurale i kaluan Prokurorisë, për veprime të mëtejshme.  

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Keno: 12/06/2023 13:26

    Hajde koqe hajde. Aty po hyni ne territorin e shperndarjes nga Policia vete. Nuk mund te vini ju nga Firifistuni e te na lini Policet e grate e tyre pa leke ekstra qe te paguajne per jeten e lluksit qe duan te bejn.

    Përgjigju
    • Qazimi: 12/06/2023 15:57

      Mos I thuaj te gjitha se na fike...;)

  • Sondazhi i ditës: 1 Shkurt, 08:43

    Si e vlerësoni gjendjen e sigurisë në vend?

Lajme të tjera



×

Lajmi i fundit

Shërbimi postar i SHBA pezullon pakot hyrëse nga Kina dhe Hong Kongu, preken bizneset online

Shërbimi postar i SHBA pezullon pakot hyrëse nga Kina dhe Hong Kongu, preken bizneset online

5 Shkurt, 08:59