TIRANË- Automjeti i avokatit Idajet Beqiri është hedhur në erë me eksploziv. Ngjarja ka ndodhur rreth orës 09:15, ndërsa mjeti ishte parkuar pranë Gjykatës Civile në Tiranë. Shpërthimi ka qenë i fortë dhe siç shihet në foton që sjell Report Tv makina tip ‘Benz’ ka pësuar dëme të mëdha në pjesën e pasme. Si pasojë, raportohet vetëm për dëme materiale.

Vetë Idajet Beqiri rezulton të ketë qenë në Bruskel. Ai pritej të mbërrinte mbrëmë në Tiranë, por iu anulua fluturimi. Ndërsa makina së cilës iu vendos eksploziv rezulton në pronësi të bashkëshortes së tij, Nexhi Beqiri, po ashtu me profesion avokate. 

Ende nuk dihen autorët, ndërsa Policia ka ngritur një grup hetimor për zbardhjen e plotë të ngjarjes. Pritet të këqyren kamerat e sigurisë në zonë për të bërë të mundur identifikimin e autorëve.

“Rreth orës 09:15, në rrugën “Nikolla Lena”, para një pallati, ka shpërthyer një sasi lënde e dyshuar plasëse, e vendosur në automjetin e parkuar në pronësi të shtetases N. B. Si pasojë, janë shkaktuar vetëm dëme materiale.

Grupi hetimor vijon punën për zbardhjen e rrethanave të rastit, si dhe për identifikimin dhe kapjen e autorit/autorëve”, njoftoi Policia.

Nuk përjashtohet pista që shpërthimi të ketë ndodhur si një mesazh kërcënues për shkak të detyrës si avokat, apo edhe për denoncimet e shumta që avokati Beqiri ka ngritur herë pas here.

Rendit zhvillimet sipas orarit:
Ora 10:28
VIDEO/ Pamje nga lart të makinës së avokatit Idajet Beqiri pasi u hodh në erë me eksploziv, dëmtime të shumta në automjet

 

Pamjet e reja që sjell Report Tv tregojnë nga lart automjetin e avokatit Idajet Beqiri, i cili u hodh në erë me eksploziv paraditen e sotme pranë Gjykatës Civile në Tiranë. Siç shihet në pamjet e siguruara nga Report Tv, makina ka pësuar dëmtime të mëdha.

SI.E./Shqiptarja.com

SI.E./E.H/Shqiptarja.com

Komente

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Komunisti: 13/10/2026 10:01

    50% narco regjimi shteti. 50% e ka vene vet.

    Përgjigju
    • O Zot!: 13/10/2026 10:30

      Inteligjenca paska ik me vraap kur te ka pare ty!

  • Sondazhi i ditës: 12 Tetor, 19:56

    Berisha kundër votimit elektronik në 2027, a besoni se mund të manipulohet?

Lajme të tjera