Sotir Çabiri, 36 vjeç është vënë në prangat e policisë së Sarandës si autor i shpërthimit me tritol të hotelit 'Bizanti' që terrorizoi qytetin bregdetar në orët e para të mëngjesit të së hënës. Ai është djali i Spiro Çabirit, një prej bashkëpronarëve të hotelit, i cili ishte në proces gjyqësor për ndarjen e pronësisë që prej vitit 2002.
Policia ka zbardhur ngjarjen dhe ka sekuestruar veshje që dyshohet se janë përdorur nga autori, gjatë vendosjes së lëndës eksplozive, 3 celularë dhe sende të tjera që u gjetën në momentin e arrestimit. Ai akuzohet për veprën penale “Shkatërrimi i pronës me eksploziv”, me pasoja të rënda materiale. Sotir Çabiri i vuri rreth 30 kg tritol godinës duke e rrafshuar tërësisht rreth orës 05:55 të 13 shkurtit. Në dëhsminë e tij në polici, 36-vjeçari ka mohuar autorësinë duke thënë se nuk ka lidhje me shpërthimin dhe po përgatitej për t'u larguar jashtë vendit.
Dyshohet se shkak i vënies së tritolit është bërë konflikti për pronësinë që ka babai i tij, Spiro Çabiri me shtetasin grek Dhimitër Evangjeliun prej 21 vitesh dhe në përfundim të të cilit, pjesa më e madhe e këtij hoteli do të kalonte në pronësi këtij të fundit.
Si pasojë e shpërthimit të fuqishëm me eksploziv, u shkatërrua plotësisht hoteli i ndërtuar në vitin 1996 dhe gjithashtu u shkaktuan dëmtime të fasadave të dhjetëra objekteve të tjera në afërsi të hotelit. Nga shpërthimi nuk pati asnjë shtetas të dëmtuar. Report Tv siguroi pamjet ekskluzive të momentit të shpërthimit të hotelit që mbuloi të gjithë zonën me tym të zi dhe tronditi banorët kur ndodheshin në gjumë. Ata u zgjuan të terrorizuar nga shpërthimi i fuqishëm dhe zhurma e fortë duke menduar se u goditën nga një tërmet. Forcat xheniere do të qëndrojnë dhe sot në Sarandë për të arritur deri në bazën e objektit dhe për të saktësuar në këtë mënyrë sasinë apo dhe lëndën që u përdor për të shembur objektin. Burime bëjnë me dije se po pastrohet vendi për të konstatuar bazën ku është vendosur lënda plasëse dhe për të verifikuar nëse ka sasi te paplasur.
Ndërkohë, materialet procedurale për 36-vjeçarin i kaluan Prokurorisë pranë Gjykatës së Rrethit Gjyqësor Sarandë, për veprime të mëtejshme.
Historia e përplasjes 21 vjeçare për pronësinë e hotelit
Hotel ‘Bizanti’, i pozicionuar në shëtitore, buzë detit kishte 3 ortakë, një shtetas grek me emrin Dhimitër Evangjeliu dhe 2 shqiptarë Spiro Çabirin dhe Vangjel Shtuka (i ndarë nga jeta). Report Tv ka siguruar dosjen që shpjegon si nisi përplasja për pronësinë e vlerësuar 920 mijë euro, 90% të të cilës e kishte greku dhe 10% i kishin 2 shqiptarët. Çështja është ende Apelin e Gjirokastrës që pas hartës së re gjyqësore transferohet në Tiranë për të zgjidhur përfundimisht konfliktin për pronësinë.
Sotir Çabiri, 36-vjeçari i arrestuar për shpërthimin me tritol në Sarandë ka mohuar autorësinë duke thënë se rrobat i kishte gati se po përgatitej të largohej jashtë vendit.
"Nuk kam lidhje me shpërthimin. Kam qenë për të marrë valixhe se familja kishte prerë bileta për të shkuar në Angli.”, ka thënë 36-vjeçari kur është pyetur për pamjet e kamerave të sigurisë që e nxirrnin duke dalë nga hoteli pak para ngjarjes.
Një prej banorëve në Sarandë, ku shpërtheu me tritol hotel 'Bizanti' prej konflikteve të pronësisë, e cilëson "akt terrorist" ndërsa ka treguar se dëmet në biznesin e tij. Ai shprehet se shteti duhet t'i qëndrojë pranë pasi nuk mund të përballojnë vetë koston e riparimeve që sipas tij kap vlerën e 30 mijë eurove.
Banori shprehet se pranë tyre duhet të ishte edhe Ministri i Brendshëm bashkë me kryeministrin, që sipas tij duhet të kthejë sytë nga terrori që përjetuan banorët e Sarandës.
"Ne kemi pësuar dëme të konsiderueshme. Në biznesin tim, dëmi kap shifrën e 30 mijë eurove. Më bën përshtypje që asnjë nga pushteti lokal apo vendor nuk ka ardhur të më pyesë ku është dëmi dhe sa keni pësuar juve. Ne ndihemi të pambrojtur fare dhe jemi në mëshirë të fatit. Kërkojmë që shteti të na shohë. Unë jam në borxhe njëkohësisht. Çfarë të bëj më parë, të nxjerr borxhin që kam marrë te koncesionari për mjetet apo të rregulloj këtë. Më bën përshtypje indiferentizmi. Ministri i Brendshëm duhet të ishte këtu. Mos të them kryeministri. Mirë është të ndezim qirinj për Turqinë se na ka ndihmuar por është mirë të shihet se çbëhet dhe këtu. Kërkojmë nga shteti të çdëmtohemi. Ky është akt terrorist. Nëse shteti nuk ka mundësi të na thojë që t'i mbyllim dhe të ikim prej këtej", tha banori.
Ky është Sotir Çabiri, 36 vjeç, i cili i vuri tritolin dhe rrafshoi hotel 'Bizanti' në Sarandë, ku babai i tij dhe një shtetas grek ishin në konflikt për pronësinë që prej vitit 2002. Ai terrorizoi banorët e zonës që u zgjuan të tmerruar nga shpërthimi i fuqishëm në orët e para të mëngjesit të së hënës.
Komente
Lajme të tjera
-
Në Himarë babagjyshi vjen nga deti, parada dhe koncerti festiv (VIDEO)
25 Dhjetor, 13:12 -
Çelet tenderi 95 mln lekë për projektin e rehabilitimit të hekurudhës Rrogozhinë-Vlorë dhe lidhjen me aeroportin
25 Dhjetor, 12:39
-
Kreu i Burgjeve dhe kryebashkiaku i Vlorës firmosin marrëveshje: Ndihmë të dënuarve që të riintegrohen në shoqëri dhe për një fillim të ri
24 Dhjetor, 20:29 -
Emigrantët kthehen për festa! Çdo ditë mbi 1 mijë pasagjerë mbërrijnë në portin e Vlorës
24 Dhjetor, 16:12
-
Vlorë/ Plagosi me thikë 19 vjeçarin, arrestohet 44 vjeçari! I riu te Trauma
23 Dhjetor, 17:58 -
Vlorë/ Sekuestrohen rreth 32 mijë euro cash në port, procedohen 2 shoferët! Ishin fshehur në sediljen e autobusit të agjencisë së udhëtimit
23 Dhjetor, 16:09 -
Selenicë, Guri Selimi rrezikon jetën, prej vitesh i braktisur! 77-vjeçari pa strehë, pa ushqim e veshje endet rrugëve
23 Dhjetor, 10:08
-
Moti i keq, frika nga reshjet e dendura, bashkia Vlorë bën thirrje qytetarëve: Mos parkoni makinat në këto zona
23 Dhjetor, 09:09 -
Moti i keq pezullon nisjen e tragetit në Vlorë, mbetet në radë
23 Dhjetor, 08:01 -
Vlorë/ U gjet i vdekur në banesë, 68-vjeçari i vetmuar pësoi arrest kardiak! U gjet pas 12 orësh
22 Dhjetor, 19:26
-
SPECIALE/ Mjalti, biznesi i ëmbël që prodhon produkt të shtrenjtë
22 Dhjetor, 18:05
-
Selenicë/ 77 vjeçari prej vitesh jeton në godinë të rrënuar, Report Tv apel për ndihmë shërbimit social e bashkisë
22 Dhjetor, 14:59
Te shohim tani si do te ndahen parate nga inshurenca e hotelit,sepse besoj qe greku e ka siguruar,per shqipot nuk besoj se e kane siguruar pjesen e tyre dhe e njejta gje vlen dhe per ate /biznesmenin/ qe kerkoka demshperblim nga shteti! Mos prit as edhe nje cent nga shteti,mos prit qe shteti te te vije e te te vleresoje demin.Kjo eshte detyre e agjencive te inshurencave,jo shtetit.Zotrote na i dashke fitimet si ne kapitalizem dhe demshperblimet si ne socializem!!
Përgjigjulirojeni djalin..ai ka bere nje pune te mire,,,ka rrafshuar nje ngrehine shemtire,,,,lirojeni me kushtin qe re shembi me dinamit dhe 100 hotele te tjrera perreth...
Përgjigju