POP 5

Lajmet më të lexuara të 5 minutave të fundit

Kronikë

Shpëtoi Dritan Dajtin nga burgu përjetë, KPA shkarkon përfundimisht gjyqtarin Petrit Aliaj! Nuk justifikonte pasurinë

Gjyqtari i Vlorës Petrit Aliaj, i cili ka marrë pjesë në heqjen e dënimit të përjetshëm për Dritan Dajtin është larguar përfundimisht nga sistemi i drejtësisë. Kolegji i Posaçëm i Apelimit (KPA) ka lënë në fuqi vendimin e Komisioni i Pavarur i Kualifikimit (KPK) që e shkarkoi atë nga detyra, pasi nuk justifikonte pasurinë.  

Shpëtoi Dritan Dajtin nga burgu përjetë, KPA shkarkon përfundimisht gjyqtarin Petrit Aliaj! Nuk justifikonte pasurinë

Petrit Aliaj dhe Dritan Dajti

TIRANË- Gjyqtari i Vlorës Petrit Aliaj, i cili ka marrë pjesë në heqjen e dënimit të përjetshëm për Dritan Dajtin është larguar përfundimisht nga sistemi i drejtësisë. Kolegji i Posaçëm i Apelimit (KPA) ka lënë në fuqi vendimin e Komisioni i Pavarur i Kualifikimit (KPK) që e shkarkoi atë nga detyra, pasi nuk justifikonte pasurinë.

Komisioni i Vetingut prezantoi si problematike pasuri të tjera të gjyqtarit Aliaj si një truall në Delvinë, mos justifikim të shumës rreth 70 mijë euro për ndërtimin e një ndërtese tre kate mbi tokë dhe një kat nën tokë, probleme me pasurinë e bashkëshortes dhe mosjustifikim të shpenzimeve për shkollimin e fëmijëve.

"Trupi gjykues i Kolegjit të Posaçëm të Apelimit, i përbërë nga Ina Rama kryesuese, Albana Shtylla relatore, Natasha Mulaj, Rezarta Schuetz, Sokol Çomo anëtarë, shpalli vendimin për çështjen (JR) nr. 48/2020, datë 10.11.2020, që i përket ankimit të subjektit të rivlerësimit Petrit Aliaj kundër vendimit të Komisionit të Pavarur të Kualifikimit nr. 260, datë 15.06.2020.
Në përfundim të gjykimit në dhomë këshillimi, trupi gjykues, bazuar në nenin 66, pika 1, shkronja “a” e ligjit nr.84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi: Lënien në fuqi të vendimit nr. 260, datë 15.06.2020 të Komisionit të Pavarur të Kualifikimit, që i përket subjektit të rivlerësimit Petrit Aliaj. Ky vendim është përfundimtar dhe ka efekt të menjëhershëm. U shpall sot, në Tiranë, më datë 16.11.2022", thuhet në njoftim. 

Petrit Aliaj është shkarkuar edhe në vitin 2004 nga Këshilli i Lartë i Drejtësisë, por Gjykata e Lartë e riktheu në detyrë dy vjet më vonë. Në vitin 2005 ai është paguar me 47 mijë dollarë nga vëllezërit Balili, si konsulent ligjor i tyre. Por, Komisioni i Vetingut nuk ia ka konsideruar të ligjshme këto para. Në vitin 2015, ILDKPKI e kallëzoi gjyqtarin Aliaj për fshehje pasurie, por nuk i hyri ‘gjemb në këmbë’, ndërsa edhe KLD-ja refuzoi ta shkarkonte. 

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • gramoz: 17/11/2022 10:51

    Kulmi i maskarallikut, te vrasesh 4 njerez dhe te mos denohesh perjete. Ky gjyqetar duhet varur.

    Përgjigju
  • Ethem Lalaj: 17/11/2022 10:35

    Gjyqtari duhet të shkoi në burg në vënd të Dritan Dajtit që vrau 4 polic dhe shpëtoi nga dënimi se babai i tij ka kënë kuzhinjer i S.Berishës-President.Sb ka kapur DREJTËSINË 100 % që në 1992..ndaj jemi këtu ku jemi..babilloni..

    Përgjigju
  • Qytetar i këtij vendi: 17/11/2022 09:30

    Njeri i felliqur.

    Përgjigju
  • justice: 16/11/2022 23:22

    Iku nje plehre tjeter ... yyyyyttttt!!!!

    Përgjigju
  • Sondazhi i ditës:

    Bandat survejojnë Policinë, a është ky triumf i krimit ndaj shtetit?

Lajme të tjera



×

Lajmi i fundit

Bordi i Transparencës publikon çmimet e reja për karburantet, ulet me 6 lekë nafta! Benzina shitet me një lekë më pak

Bordi i Transparencës publikon çmimet e reja për karburantet, ulet me 6 lekë nafta! Benzina shitet me një lekë më pak

31 Janar, 11:45