POP 5

Lajmet më të lexuara të 5 minutave të fundit

Sociale

Shpopullimi në Shishtavec të Kukësit, të moshuarit jetojnë vetëm! Çifti i bashkëshortëve për Report Tv: Nuk rrihet pa fëmijët, na merr malli

Në Shishtavec të Kukësit, emigrantët e Anglisë kanë ndërtuar shtëpi moderne, me disa kate por në to jetojnë vetëm të moshuarit. Lija dhe Uzedini, çifti 80-vjecar rrëfejnë për Report TV jetën e dhimbshme. I merr malli për nipat e mbesat, të cilët i vizitojnë një herë në vit. Ndërsa në vilën e tyre në Shishtavec nuk dëgjohet zë fëmije.

Nënë Lija siç e thërrasin në fshat dhe Uzedini kanë nga 81 vite mbi supe dhe janë bashkë prej 50 vitesh. Një çift bashkëshortësh të hareshëm që jetojnë në qendër të Shishtavecit, në një vilë 4 katërshe ndërtuar me paratë e fëmijëve në emigrim.

 “Me gjithë plakën jemi 81 vjeç. Jemi bashkëmoshatarë të dy”, shprehet Uzedini Draga.

I gjen në oborrin e rrethuar nga lulet plot ngjyra për të cilat kujdeset nëna Lija. E me lule në duar teksa flasin për Report Tv duket se e ruajnë freskinë e dashurisë së tyre këtu e 50 vite më parë kur u njohën në bankat e shkollës.

 “Kam qenë meraklie. Edhe babën e kam pasur merakli të luleve. Tani merrem me lule.

Çifti u moshuar nga Shishtaveci kanë 3 djem dhe një vajzë e së bashku me nipërit e mbesat familja Draga përbëhet nga 21 anëtarë. Të gjithë janë në Angli. Më i vogli, mbaroi studimet për farmaci dhe prej një viti u shpërngul edhe ai nga fshati.

“Kemi ngelur vetëm me plakën. Unë kam 3 djem dhe 1 vajzë. Kam nipër dhe mbesa. Të gjithë janë në Angli. Ne shkojmë atje gjatë dimrit, por duam të shpërngulemi përfundimisht.

81-vjeçari shpreson se një ditë fëmijët do të rikthehen për të jetuar në fshat.

“Ky vend i mrekullueshëm. Kjo perlë natyrore që na e ka falë Allahu nuk mund të brakstiset. Jo vetëm ne pleqtë por edhe djemtë që kanë shkuar në mërgim, një ditë duhet të kthehen. Ky vend nuk duhet harruar kurrë në jetë”, tha ai.

 “E ndjejmë shumë mungesën e nipërve shumë. Për shpirt unë në Angli nuk do kisha shkuar kurrë, por ama detyrohemi si pleq që jemi të shkojmë dhe lëvizim sa andej-këndej”, tha ajo

Nuk duan të largohen nga fshati, e nga ana tjetër u mungojnë fëmijët, nipërit e mbesat.

“Nuk rrihet pa fëmijët. Dhimbje e madhe sidomos për të vegjlit. Dhimbje madhe. Kemi të gjitha kushtet, por shtëpia është bosh. Në katet lart nuk ngjitemi fare.

“Shtëpia do njerëz”, shprehet e moshuara.

Shishtaveci i Kukësit është ndër më të goditur nga shpopullimi. Sot në këtë fshat 89 familje kanë mbetur pa asnjë fëmijë, vetëm me pleqtë e vetmuar.  Vetëm në verë Shishtaveci gjallërohet nga ardhja e emigrantëve, dasmat e gëzimet të tjera familjare emigrantët i bëjnë në vendlindje.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Emigrant: 02/10/2023 07:11

    Oj mome mos u be merak per cunat e niperit ata jan mire andej nga Londra ku jetojn Ata cuan shishtavecin ne londer ska ku te vej me mir Shpiat ti gezoni ju sa jeni gjall Por kur ju mos te jeni me ato shpia do behen si vilat ketu ku rri un ku kendon vetem qyqja dhe bari ka pushtuar avllit

    Përgjigju
  • fisnik: 01/10/2023 15:16

    Komentusa shpellare jetojme ne demokraci ku levizja eshte e lire dhe kjo nuk ka te bej as me Ramen e as me Sali non graten.

    Përgjigju
  • sapa: 01/10/2023 14:09

    Sa te keni partine cdo gje eshte ne rregull!

    Përgjigju
  • Jeti: 01/10/2023 13:26

    Vini ndonje foto Rames dhe jeni ne rregull.

    Përgjigju
  • Alb: 01/10/2023 12:43

    Kjo ashte demokracija

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë

Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë

25 Dhjetor, 19:23