TIRANE - Një shpërthim i fuqishëm në një transformator elektrik në një objekt në rikonstruksion mesditën e sotme, i mori jetën një punëtori të firmës private të ndërtimit. Të plagosur mbetën edhe dy punonjës të tjerë të kompanisë së ndërtimit, të cilët janë në Qendrën Spitalore Universitare Nënë Tereza, në repartin e djegieve.
Shpërthimi ndodhi në një objekt në ndërtim në rrugën dytësore në autostradën Tiranë-Durrës, ndërsa të plagosur mbetën Gjergji Sula, Fari Çollaku rreth 50 vjeç, dhe Andi Bojni 22 vjeç. Por Sula ndërroi jetë në Spitalin e Traumës ndërsa dy të tjerët ndodhen në QSUT me djegie në të gjithë sipërfaqen e trupit.
Policia thotë se transformatori shpërtheu si pasojë e një shkëndije elektrike, ndërsa në një reagim më të detajuar për ngjarjen, Operatori i Shpërndarjes së Energjisë Elektrike, sqaroi se: Një kompani private, ishte duke kryer punime në autostradë, ku dy punëtorë të kësaj firme kanë shkurtuar distancën me linjën 110 kV të OST, çka ka shkaktuar masë.
Siç Shqiptarja.com mëson, duke qenë se i janë afruar shumë linjës, OSHEE ka ndërhyrë duke stakuar energjinë elektrike në nënstacionin e Kasharit, për të shmangur pasoja më tragjike nga shpërthimi i shkaktuar.
Ky defekt la pa energji perrëth 15 minuta bizneset përgjatë autostradës, zona e Kamzës, Vora dhe Mëzez.
"Grupi i punës së avarisë së OSHEE mori masa për furnizimin menjëherë të nstacionit me linjën rezervë dhe aktualisht kanë marrë energji të gjithë zonat e lartpërmendura. Aktualisht kemi stakuar për masë vetëm fiderin që furnizon me energji zonën pranë subjektit në rikonstruksion", - thotë OSHEE në një njoftim për ngjarjen.
VIDEO nga vendi i ngjarjes
"Stafi mjekësor i QSUT është në gatishmëri të plotë për tu kujdesur për këta pacientë, duke zbatuar të gjitha protokollet mjekësore dhe duke i mbajtur në monitorim të vazhdueshëm në reanianimacionin e shërbimit të Djegie Plastikës", thuhet në një njoftim të QSUT-së.
Për ngjarjen reagoi edhe Konfederata e Sindikatave të Shqipërisë, ku teksa shpreh ngushëllime familjes së viktimës, i kërkon autoriteteve të zbardhin ngjarjen. KSSH kërkon të zbardhet nëse ka pasur mangësi për plotësimin e kushteve të sigurisë teknike. Nëse rezulton kështu - thotë Konfederata - atëherë përgjegjësit duhet të ndëshkohen sipas ligjit.
"Mungesa e sigurisë teknike në punë shkakton tragjedinë e radhës. Autoritetet të tregojnë transparencë pasi ka indicie se po tentohet të fshihen përmasat e pasojave të ngjarjes", thuhet në reagim.
Nga shpërthimi i transformatorit elektrik në një objekt në ndërtim në autostradën Tiranë-Durrës, ndërroi jetë një prej punëtorëve të firmës private të ndërtimit, dhe u plagosën rëndë edhe dy të tjerë.
Komente
Lajme të tjera
-
Tiranë/ Goditi me grusht punonjësin e Policisë, arrestohet 23 vjeçari
19 Dhjetor, 14:41 -
Tiranë/ Shkarkonin inerte në vende të paligjshme, arrestohen 2 persona, nën hetim 2 të tjerë! U vendoset 15 milionë lekë gjobë
18 Dhjetor, 13:06 -
Tiranë/ Grabitje, mashtrim, aksident me vdekje dhe dhunë në familje, 10 të arrestuar në 24 orë
12 Dhjetor, 16:30 -
Tiranë/ Vodhi me dhunë një automjet në hyrjen e një mobilerie, vihet në pranga 32-vjeçari! Policia gjen mjetin e braktisur
12 Dhjetor, 10:12 -
Policia i kap mat duke vendosur baste sportive, 8 persona në pranga në Tiranë! 4 në hetim
11 Dhjetor, 15:44 -
Mbi 12 mijë gjoba gjatë një jave, Rrugorja e Tiranës bën bilancin: 9 mijë për qëndrim të gabuar! 25 arrestime, ndalime dhe procedime
9 Dhjetor, 11:18 -
Tiranë/ Dhunonte bashkëshorten dhe e kanoste se do e vriste, në pranga 65-vjeçari! I sekuestrohet municion luftarak në banesë
7 Dhjetor, 16:59 -
Durrës/ Babai e shpalli të humbur dje, gjendet i pajetë në kanal 33-vjeçari! Policia: Dyshohet se u rrëzua aksidentalisht nga ura
6 Dhjetor, 14:48 -
Tiranë/ Lojëra fati ilegale online, ‘Bad spin’ godet grupin, 9 të arrestuar dhe një i shpallur në kërkim (VIDEO)
6 Dhjetor, 14:09 -
Derbi Tirana - Partizani, 'Blutë' shoqërojnë tifozët në stadium! Bllokim rrugësh, policia tregon planin e masave
30 Nëntor, 18:12 -
Policia procedoi 17 deputetë për protestën, Korreshi: Lani sqetullat se na helmuat, e nuk hamë dot përshesh
27 Nëntor, 20:05 -
U ekzekutua në atentat, ja si ka përfunduar makina luksoze e Klaudio Prendit! Vrasësit shenjëstruan xhamin e shoferit të ‘Mercedes G Class’
25 Nëntor, 15:38
Duhet te arrestohen dhe te plasen pas hekurave drejtuesit e firmes qe jane te pangopur duke e pare qe n/stacioni wlektrik ishte shume afer pse i futen puntoret te punonin ne zonen afer nenstacionit ku vetem rryma e induksionit shkakton avari pale te germosh dhe te prekesh kabujt e furnizimit me energji. Ngushyllime fam8ljes per te afermin e tyre qe humbi jeten nga ky shperthim.
Përgjigju