Receta

Shqeto Përmeti, gatimi me shije mbresëlënëse i traditës nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 20 Korrik 2023, 12:05 | Përditesimi: 20 Korrik 2023, 12:07

Shqeto Përmeti

Përbërësit:

4-5 racione mish qengji / viçi
1 lugë gjelle gjalpë
2 lugë gjelle miell
1 gotë qumësht ose kos
1 e verdhë veze
Lëng limoni sipas dëshirës
Majdanoz i freskët
Gjalpë i skuqur për servirje
Kripë, piper i zi

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Kaurdisim racionet e mishit duke shtuar herë pas here nga pak ujë. Pasi mishi ka ndryshuar ngjyrë shtojmë ujë me pak kripë dhe e lëmë të ziejë. Më pas, në një tigan kaurdisim miellin me gjalpë derisa mielli të ndryshojë ngjyrë. E shuajmë me lëng mishi dhe e trazojmë që të mos kokrrizohet. Më pas shtojmë 1 gotë qumësht ose kos, rregullojmë shijen me kripë dhe piper të zi dhe vendosim racionet e mishit. Rrahim të verdhën e vezës me lëng limoni dhe e shtojmë tek gatimi, e lëmë pak minuta në zjarr dhe më pas e shërbejmë të ngrohtë spërkatur me pak gjalpë të tretur dhe majdanoz të freskët.

MC/Shqiptarja.com

TAG: