POP 5

Lajmet më të lexuara të 5 minutave të fundit

Ekonomi

Shqipëri-Kosovë, marrëveshje për
treg të përbashkët të turizmit

Zhvillimi i paketave të përbashkëta turistike, zgjerimi i veprimtarisë së operatorëve turistikë dhe shtimi i numrit të turistëve në Shqipëri dhe në Kosovë janë pikat kryesore të marrëveshjes së nënshkruar sot në fushën e turizmit mes Shqipërisë dhe Kosovës.
Shqipëri-Kosovë, marrëveshje për<br />treg të përbashkët të turizmit
TIRANË- Zhvillimi i paketave të përbashkëta turistike, zgjerimi i veprimtarisë së operatorëve turistikë dhe shtimi i numrit të turistëve në Shqipëri dhe në Kosovë janë pikat kryesore të marrëveshjes së nënshkruar sot në fushën e turizmit mes Ministrisë së Zhvillimit Urban dhe Turizmit dhe Ministrisë së Tregtisë dhe Industrisë të Republikës së Kosovës.

Palët u angazhuan edhe për krijimin e tregut të përbashkët të turizmit mes dy vendeve, që do të sjellë rritjen e investimeve në sektorin e turizmit.
 
Delegacioni kosovar kryesohej nga Ministri Bernard Nikaj, ndërsa për palën shqiptare marrëveshja u firmos nga Ministrja Eglantina Gjermeni.
 
Kjo marrëveshje është shprehje e vullnetit të përbashkët mes dy qeverive asaj shqiptare dhe asaj Kosovare pas deklaratës për Bashkëpunim dhe Partneritet Strategjik nënshkruar në Prizren, më 11 Janar të këtij viti.   
 
Për Ministrin Nikaj kjo i hap rrugën vizitave të përbashkëta në destinacione turistike të të dyja shteteve, ku do të prezantohen së bashku me publikime dhe materiale promovuese të të dy vendeve.
 
“Kjo marëveshje do të vendosë në një kornizë institucionale bashkëpunimin mes institucioneve tona, i cili shumë shpejt do të konkretizohet me projekte të përbashkëta. Së bashku jemi më të fortë”, - deklaroi Ministri Nikaj.
 
Palët ranë dakord të punojnë bashkarisht për rritur numrin e turistëve mes dy vendeve duke siguruar praktika të thjeshta ndërkufitare përgjatë gjatë vitit si dhe lëvizjen e vizitorëve, nga njëri shtet në tjetrin, në përputhje me standardet kombëtare dhe ndërkombëtare.
 
Një tjetër pikë me rëndësi për zbatimin me sukses të kësaj marrëveshjeje është trajnimi i stafeve të turizmit, shkëmbimi i të dhënave statistikore turistike si dhe shkëmbimi i përvojave dhe praktikave më të mira profesionale.
 
Të dy palët vlersuan si shumë të rëndësishëm bashkëpunimin në fushën e turizmit, si një sektor potencial për zhvillimin e ekonomisë në të dy vendet.
 
“Synimi ynë kryesor është krijimi dhe zhvillimi i paketave të përbashkëta turistike, si e vetmja mundësi për të qenë konkurrues në tregun rajonal dhe më gjerë, - deklaroi gjatë konferencës për shtyp Ministrja Gjermeni.

Ne kërkojmë të zgjerojmë veprimtarinë e operatorëve turistikë të të 2 vendeve dhe të shtojmë numrin e turistëve, duke ju siguruar kushte dhe standarte më të mira”, - u shpreh Ministrja në konferencën për shtyp.
 
Redaksia Online
(b.g/shqiptarja.com)
 

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Aksident i trefishtë në aksin Pogradec- Korcë! Makinat përplasen me njëra-tjetrën, shkak shpejtësia dhe lagështia në rrugë

Aksident i trefishtë në aksin Pogradec- Korcë! Makinat përplasen me njëra-tjetrën, shkak shpejtësia dhe lagështia në rrugë

29 Nëntor, 13:44