Shqipëri–Mali i Zi, projekte rajonale për zhvillimin e turizmit

Mali i Zi dhe Shqipëria kanë shumë mundësi për diversifikimin dhe zhvillimin e turizmit mes dy vendeve përmes projekteve rajonale të përbashkëta. Kështu është shprehur Gëzim Hajdinaga, përfaqësues i Organizatës Kombëtare të Turizmit për Malin e Zi, në një intervistë për mediat. Ai ka ftuar vizitorët shqiptarë për të vizituar Malin e Zi, duke u shprehur se aty do të gjejnë gjithnjë mikpritje. Gjithashtu, Hajdinaga ka apeluar për projekte rajonale mes dy vendeve, që do të zhvillojnë më tej sektorin e turizmit.