POP 5

Lajmet më të lexuara të 5 minutave të fundit

Sport

Shqipëria gjen një tjetër test,
do luajë një miqësore me Iranin

Në harkun e pesë ditëve, Kuqezinjtë do të luajnë kundër bosëve të karburanteve, Katarin dhe Iranin. Moldavia na pret, më 15 gusht
Shqipëria gjen një tjetër test,<br />do luajë një miqësore me Iranin
Shqipëria ka siguruar një miqësore të pazakontë me Iranin, një test ndërkombëtar që do të zhvillohet në Stamboll, më 27 maj, vetëm pesë ditë pasi të përballemi me “sheikët” e Katarit në Madrid. Lajmin e bëri të ditur Federata Shqiptare e Futbollit.

Dy prova të njëpasnjëshme për kuqezinjtë dhe trajnerin italian të Kombëtares, Xhani De Biazi, çka do t’i mundësojë teknikut të implementojë jo vetëm idetë e tij, por dhe të testojë një numër të madh lojtarësh, nisur edhe nga fakti se disa nga “garda e vjetër” i ka dhënë lamtumirë përfaqësueses.

De Biazi ka ndërmend të ftojë mbrojtësin e Greuther Fyrth, që sezonin e ardhshëm do të luajë në Bundesligën gjermane. Gjithsesi, ndeshjet kundër Katarit dhe Iranit, nuk do të jenë të vetmet, përpara se të nisim fushatën eliminator të Kupës së Botës “Brazil 2014”, ku Shqipëria e fillon aventurën me ndeshjen kundër Qipros.

Kundër Moldavisë, me të cilën kemi fiksuar një miqësore më 15 gusht, që ka shumë mundësi të luhet në “Loro Boriçi” të Shkodrës. Për trajnerin italian Xhani De Biazi, ndeshjet kundër Katarit dhe Iranit, vijnë pas asaj me Gjeorgjinë, të humbur 2-1 në Tbilisi, më 29 shkurt 2012, gjatë të cilës sulmuesi i ri Edgar Çani shënoi golin e parë me përfaqësuesen dhe portieri Samir Ujkani priti dy penallti.

Shqipëria kërkoi gjatë kësaj kohe kundërshtarë të tjerë, përfshirë edhe kampionen e Europës dhe të Botës, Spanjën, si deh Irlandën, por si trajneri spanjoll Vinsente Del Boske ashtu dhe italiani i Irlandës, Xhovani Trapatoni, refuzuan në minutat e fundit. Në fakt, nuk është hera e parë, që Shqipëria zhvillon miqësore me ekipe jashtë Europës. (rb/shqiptarja.com)

  • Sondazhi i ditës:

    Pse po tërhiqen kandidatët e Partisë Demokratike?

Lajme të tjera



×

Lajmi i fundit

Zlatan Ibrahimovic si vera, Milani i ofron kontratë të re

Zlatan Ibrahimovic si vera, Milani i ofron kontratë të re

29 Mars, 12:32