Shqipëria, shteti më pak kreativ në rajon, i 116-ti në botë

Shqipëria renditet e 116-ta, mes 139 ekonomive botërore për nivelin e kreativitetit. Ndërsa në rajon, sipas studimit më të fundit të Institutit të Prosperitetit Martin, në raportin e bërë publik këtë vit me titull: Indeksi Global i Kreativitetit, vendi ynë renditet i fundit. Renditja bazohet në kritere si teknologjia, talenti dhe tolerance. E quajtur edhe si 3T (Teknologji, Talent dhe Tolerancë), këto të tre faktorë bëjnë rankimin e 139 shteteve të ekzaminuara. Tre shtetet që kryesojnë në këtë listë janë: Austria, SHBA dhe Zelanda e Re. Ndërsa, në fund të listës gjenden Gana dhe Iraku.