POP 5

Lajmet më të lexuara të 5 minutave të fundit

Ekonomi

Shqipëria dixhitale humbet 15 vende
Publikohet Raporti i IT-së Botërore

Shqipëria ka humbur 15 vende në një vit të vetëm në përdorimin e teknologjisë së informacionit për zhvillimin ekonomik. Berisha deklaroi se vendi ynë renditet i dyti në botë.
TIRANE - Qeveria shqiptare duket se ka dështuar me programin e saj, të stigmatizuar me fjalët “mosha e internetit” apo “Shqipëria dixhitale”. Raporti i sapopublikuar nga Forumi Ekonomik Botëror lidhur me vlerësimin e vendeve të ndryshme sa i përket gatishmërisë së përdorimit të teknologjisë moderne të informacionit (IT) për zhvillimin ekonomik të vendit tregon se Shqipëria në këtë drejtim ka humbur plot 15 vende në listën globale, duke “rrëshqitur” nga vendi i 68 në botë në vitin 2012, në të 83-in këtë vit. Ky raport nxjerr tërësisht gënjeshtar kryeministrin, i cili pak ditë më parë e vendosi arbitrarisht Shqipërinë në vend të dytë në botë.

RENDITJA

Shqipëria kapërcehet në renditje sivjet nga Bosnja apo Moldavia në rajon, ndërkohë që është më poshtë edhe se Sri Lanka, Kazakistani apo Mongolia. Ndër dhjetë vendet e para janë Finlanda, Singapori, Suedia, Holanda, Norvegjia, Zvicra, Anglia, Danimarka, SHBA dhe Tajvani. Në vendet e fundit ndër 144 vende të botës ndodhen Çadi, Burundi dhe Sierra Leone.

MASHTRIMI

Me këtë vlerësim, duken tepër propagandistike dhe false deklaratat e kryeministrit Sali Berisha, të shqiptuara në aktivitetin e Protik-ut vetëm pak ditë më parë, ku ai tha se “Objektivi ynë është: Shqipëria, një superfuqi e ICT në rajon. Në disa aspekte, Shqipëria u bë pionier i procedurave dixhitale në botë. Shqipëria u rendit e dyta në botë për gatishmërinë e rrjetit”.

Nuk dihet se kujt raporti i referohet kreu i Ekzekutivit për të shpallur vendin në Olimpin e teknologjisë moderne të kohës. Me sa duket, ai ka qenë i sigurt që raporti i “World Economic Forum” nuk do të binte ndonjëherë në duar të shqiptarëve.

Shkrimi u botua sot në gazetën shqiptarja.com (print) 23.04.2013

Redaksi Online
(b.m/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

NJË NGA NE/ Artizania fierake rikthen veshjen myzeqare: Duhet mbrojtur nga UNESCO

NJË NGA NE/ Artizania fierake rikthen veshjen myzeqare: Duhet mbrojtur nga UNESCO

15 Janar, 21:27 nga Xhensila Nako