Shqipëria drejt BE, udhërrëfyesi: Në 2024 korniza ligjore për votën e diasporës

 

Me përfundimin e procesit screening, Shqipëria ka nisur rrugën e përafrimit të legjislacionit me Bashkimin Evropian. Një draft-plan për ndryshimet ligjore të parashikuara në vijim, Ministria e Drejtësisë e ka hedhur për Konsultim publik.

Në mesin e “udhërrëfyesit për institucionet” parashikohet që korniza ligjore për votën e emigrantëve të bëhet brenda 2024, ndërsa aktet nënligjore në 2025. Vonesa në këto parashikime, do të pamundësonte votën e diasporës në zgjedhjet e ardhshme.

“Miratimi i një kornize ligjore që adreson rekomandimet e pazbatuara te OSBE-së përmes një procesi konsultimi të hapur dhe gjithëpërfshirës, brenda vitit 202: duke adresuar: - Zbatimin e parimit të mundësive të barabarta dhe trajtimit të barabartë para ligjit dhe profesionalizmit të administratës zgjedhore. Sigurimi i depolitizimit të komisioneve zgjedhore të niveleve më të ulëta; - Votimi i shtetasve shqiptarë me vendbanim të përhershëm jashtë territorit; - Akuzat për blerje të votave dhe keqpërdorimin e administratës qendrore dhe vendore deri në fund të vitit 2024. Aktet nënligjore detyruese në përputhje me legjislacionin parësor do të miratohen në kohën e duhur brenda vitit 2025' thuhet në dokument

Lajmi kryesor:

Shqipëria bëhet gati për në BE! Brenda 2030 ndryshon Kodi i Sjelljes për deputetët e rregullorja! Ndryshime në Kushtetutë e legjislacionin për korrupsionin

S.G/KT/Shqiptarja.com

TAG:
• udherrefyes
• Parlamenti