Shqipëria kërkon drejtësi, ‘notë verbale’ Këshillit të Evropës, i çon Rezolutën e 21 korrikut: Raporti i Dick Marty për krime nga UÇK i pabazë, të bëhet raport i ri

Ashtu siç ishte angazhuar dhe pas rezolutës së miratuar në Kuvendin e Shqipërisë më 21 korrik, Shqipëria ka ndërmarrë hapa për të dënuar në Këshillin e Evropës raportin e Dick Marty, i cili shpalos pretendimet e pabaza për tregtinë e e organeve në Kosovë dhe Shqipëri dhe krimeve të tjera gjatë luftës nga Ushtria Çlirimtare e Kosovës. Në një notë verbale drejtuar Selisë së Këshillit të Evropës në Strasburg nga misioni i përhershëm i Republikës së Shqipërisë në KiE, thuhet se pretendimet nga raporti i Dick Marty-t, edhe pas 10 vitesh hetime, nuk janë provuar dhe nuk bazohen në faktet, si dhe thirrjet për Asamblenë Parlamentare të Këshillit të Evropës për të përgatitur një raport të ri për akuzat e rënda për tregtinë e paligjshme të organeve.

Kuvendi i Shqipërisë ka njoftuar se i ka përcjellë zyrtarisht Këshillit të Evropës Rezolutën "Mbi pabazueshmërinë e pretendimeve për trafikimin e paligjshëm të organeve njerëzore në Kosovë dhe Shqipëri”.

Rezoluta u është dërguar:  Vendeve anëtare dhe atyre me statusin e vëzhguesit të Këshillit të Europës; Sekretares së Përgjithshme të Këshillit të Evropës; Komitetit të Ministrave të Këshillit të Evropës; Presidentit dhe zv/presidentëve të Asamblesë Parlamentare të Këshillit të Evropës;  Sekretares së Përgjithshme të Asamblesë Parlamentare të Këshillit të Evropës;  Komitetit për Çështjet Politike dhe Demokracinë në Asamblenë Parlamentare të Këshillit të Evropës; Komitetit për Çështjet Ligjore dhe të Drejtat e Njeriut në Asamblenë Parlamentare të Këshillit të Evropës.

Në këtë shënim verbal, i cili është shoqëruar edhe me Rezulotën e miratuar në Kuvendin e Shqipërisë në shqip dhe në anglisht, thuhet se rezoluta e bashkangjitur notës është përgjigje ndaj Rezolutës 1782 (2011) të Asamblesë Parlamentare të Këshilli i Evropës, "Hetimi i akuzave për trajtim çnjerëzor të njerëzve  dhe tregtisë ilegale të organeve të njeriut në Kosovë”.

 “Sipas rezolutës së miratuar nga Kuvendi i Shqipërisë, më 21 korrik, 2022, pretendimet e bëra në Raportin Dick Marty për vrasjen e njerëzve për qëllimin e mbledhjes dhe shitjes së organeve të tyre dhe tregtimin e paligjshëm të organet e njeriut në Shqipëri dhe Kosovë, të cilat janë renditur në paragrafët 1 dhe 4 të Rezoluta e Këshillit të Sigurimit 1782 (2011), pas më shumë se dhjetë vitesh thellësie hetimet nga Forca Speciale Hetuese e BE-së dhe pasardhësi i saj, Zyra e Prokurorit të Specializuar, mbeten të pagjetur për të paprovuar dhe nuk bazohet në prova dhe fakte dhe prandaj duhet parë si i tillë nga të gjithë institucionet kombëtare dhe ndërkombëtare”, theksohet në shënim.

Shqipëria njofton Këshillin e Evropës së Rezoluta e Kuvendit të Shqipërisë kërkon që Asambleja Parlamentare e Këshillit të Evropës për të bërë një raport pasues dhe të rishikojë Rezolutën 1782 (2011), duke rivlerësuar akuzat. Shqipëria angazhohet edhe në emër të Kosovës në gatishmërinë e 2 shteteve për të vendosur drejtësi.

“Misioni i përhershëm i Shqipërisë kërkon përfaqësitë e përhershme të shteteve anëtare dhe vëzhguesve në Këshillin e Evropës për t'ua përcjellë atyre organet kompetente shtetërore Aktvendimin për akuzat e pabaza të kundërligjshme trafikimi i organeve njerëzore në Kosovë dhe Shqipëri. Misioni i Përhershëm i Shqipërisë në Këshillin e Evropës shfrytëzon këtë mundësi për të ripërsëritur shprehjen e respektit të thellë ndaj përfaqësive të përhershme të anëtarëve shtetet dhe shtetet vëzhguese të Këshillit të Evropës”, thuhet në dokument.

Kujtojmë se në seancën e fundit plenare të sesionit të kaluar më 21 korrik, Kuvendi i Shqipërisë miratoi me 125 vota pro rezolutën kundër raportit të Dick Marty për trafik organesh nga drejtuesit e UÇK.  Pavarësisht debateve, opozita bashkoi votat me maxhorancën, duke votuar me 125 vota pro rezolutës kundër raportit të Dick Marty-t. Raporti u mbështet nga Rusia, e cila ishte ndër të parat që artikuloi këto akuza. Në seancën plenare, kryeministri Rama i mëshoi faktit që raporti është i mbështetur nga Rusia dhe zëdhënës rus. Raporti i vitit 2011 i Dick Marty, asokohe anëtar dhe raportues i Komitetit për Çështje Ligjore dhe të Drejtat e Njeriut në Asamblenë Parlamentare të Këshillit të Evropës ngre pretendime për trajtim çnjerëzor të personave dhe trafikim të paligjshëm të organeve njerëzore që dyshohen të jenë kryer nga pjesëtarë dhe drejtues të UÇK, për të cilat hetuesit ndërkombëtar nuk kanë gjetur prova.

Kryeministri Rama akuzoi opozitën se ishin ata që në vitin 2011 e votuan raportin në Asamblenë Parlamentare të Këshillit të Evropës. Rama tha se prej këtij raporti, u krijua Gjykata speciale e Kosovës, që çoi padrejtësisht në burg komandantët e UÇK, që është një prej krenarive më të madhe të shqiptarëve, një nga fytyrat e krenarisë. Sipas Partisë Socaliste pas 10 vitesh hetime është konstatuar, se raporti i Dick Marty ‘për vrasje të personave me qëllim të nxjerrjes dhe shitjes së organeve të tyre dhe trafikim të paligjshëm të organeve njerëzore në Shqipëri dhe/apo në Kosovë', mbeten të paargumentuara, të paprovuara dhe të pabazuara në prova dhe fakte e, për rrjedhojë, duhet të konsiderohen si të tilla nga të gjitha institucionet kombëtare e ndërkombëtare.

Rezoluta në Kuvendin e Shqipërisë

Rezoluta e miratuar nga Kuvendi kujdeset të evidentojë se 11 vite pas hartimit të raportit të Dick Marty-t, asnjë nga pretendimet e ngritura prej tij në raport, nuk është vërtetuar. Sipas Rezolutës pas 10 vitesh hetime është konstatuar, se raporti i Dick Marty ‘për vrasje të personave me qëllim të nxjerrjes dhe shitjes së organeve të tyre dhe trafikim të paligjshëm të organeve njerëzore në Shqipëri dhe/apo në Kosovë', mbeten të paargumentuara, të paprovuara dhe të pabazuara në prova dhe fakte e, për rrjedhojë, duhet të konsiderohen si të tilla nga të gjitha institucionet kombëtare e ndërkombëtare.

Gjithashtu në Rezolutë i kërkohet Qeverisë shqiptare të mbetet plotësisht e përkushtuar për të ndihmuar drejtësinë dhe identifikuar përgjegjësinë për të gjitha krimet e kryera në ish-Jugosllavi dhe përsërit thirrjen e tij për të gjithë të interesuarit që të bashkëpunojnë me Mekanizmin Ndërkombëtar për kryerjen e funksioneve të mbetura të gjykatave penale (IRMCT), brenda juridiksionit të saj.

Raporti i Dick Marty çoi padrejtësisht në burg komandantët e UÇK

Raporti i vitit 2010, i hartuar nga senatori i atëhershëm zviceran, Dick Marty, dhe i miratuar nga Asambleja Parlamentare e Këshillit të Evropës, pretendon se në trafikim me organe kanë qenë të përfshirë udhëheqës të Ushtrisë Çlirimtare të Kosovës, gjatë luftës së viteve 1998-99. Këto pretendime janë hetuar nga prokurori amerikan, Clint Ëilliamson, i cili në korrik të vitit 2014 ka bërë të ditur se gjetjet e ekipit të tij nuk përfshijnë dëshmi të bazuara për trafikim organesh, por për krime të tjera lufte. Kjo, në vitin 2015, ka çuar në formimin e Dhomave të Specializuara të Kosovës, për të hetuar krimet e pretenduara të pjesëtarëve të UÇK-së kundër pakicave etnike dhe rivalëve politikë, që dyshohet se janë kryer nga janari i vitit 1998 deri në dhjetor të vitit 2000. Në Dhomat e Specializuara në Hagë, që ndryshe njihen edhe si Gjykatë Speciale, ka nisur tashmë procesi ndaj disa ish-udhëheqësve të UÇK-së, përfshirë: Hashim Thaçin, Kadri Veselin, Rexhep Selimin dhe Jakup Krasniqin. Ata ndodhen në paraburgim në Hagë qysh nga nëntori i vitit 2020. Në aktakuzën kundër tyre përmenden krimet e luftës dhe krimet kundër njerëzimit, por nuk figuron “trafikimi i organeve njerëzore”

(Kliko këtu për rezoultën e raportit të Dick Marty në shqip)

(Kliko këtu për rezoultën e raportit të Dick Marty në anglisht)

K.T./KT/Shqiptarja.com

TAG:
• Dick Marty
• uck
• Kuvendi i Shqiperise
• Keshilli i evropes
• lufta ne Kosovë
• raporti i dick marty