POP 5

Lajmet më të lexuara të 5 minutave të fundit

Sport

Shqipëria mbyll olimpiadën 'Tokio 2020' pa medalje! Calja i 4-ti në peshëngritje, rezultati më i mirë! Gega e 13-a në 3000 metra me pengesa

Me vendin e 13-të të Luiza Gegës në garën e 3 000 metrave me pengesa Shqipëria mbyll përfaqësimin në Lojërat Olimpike të Tokios. Atletja garoi mes më të mirave të botës dhe bëri historinë duke edhe duke kaluar në finale. Rezultatin më të mirë e arriti Briken Calja i 4-ti në peshëngritje. Shqipëria u përfaqësua në Tokio me 9 sportistë në 5 disiplina të ndryshme.

Me vendin e 13-të në Olimpiadë të Luiza Gegës Shqipëria mbyll përfaqësimin e saj në “Tokio 2020”. Atletja Luiza Gega ishte e fundit që garoi dhe e mbylli në vendin e 13-ë në Tokio 2020 garën e 3000 metrave me pengesa.Shqipëria garonte për herë të parë në finalen e një gare atletike në një Olimpiadë kjo falë Luiza Gegës. Atletja e mbylli garën e 13-ta duke arritur kohën 9:34.10 shumë larg kohës që e kishte sjellë në finale 9:23.85. Gjithsesi paraqitja e Gegës ishte shumë më e mirë se në Rio 2016 dhe  gjithsesi bëri historinë. Edhe Shqipëria mbyll pjesëmarrjen në Olimpiadën e Tokios më mirë se në Rio por ende nuk mundemi të sigurojnë një medalje olimpike.

Shqipëria u përfaqësua në Lojërat Olimpikë të Tokios me 9 sportistë në pesë disiplina të ndryshme. Rezultatin më të mirë e arriti Briken Calja që u rendit i katërti në peshëngritje në peshën trupore deri në 73 kg. Calja e mbylli dygarëshin me 341 kg vetëm një kg larg medaljes olimpike duke shënuar një rezultat historik për Shqipërinë. Peshëngritësi tjetër Erkand Qerimaj e fitoi baterinë B të peshës deri në 81 kg por Olimpiadën e mbylli në vendin e 9-të. Gjimnasti Matvei Petrov nuk mundi të kualifikohej në finalen e kaluçit me doreza. Edhe atleti Izmir Smajlaj nuk e arriti dot finalen e disiplinës kërcim së gjati duke u renditur në vendin e 18-të. Që në raundet e para u eliminuan notarët Kledi Kadiu dhe Nikol Merizaj. Paraqitje modeste bënë xhudisti Indrit Çullhaj që u dëmtua që në garën e parë dhe qitësja Manuela Delilaj. Historinë e bëri Kosova që në Tokio rrëmbeu edhe dy medalje të arta në xhudo me Distria Krasniqin e Nora Gjakovën duke e çuar në tre medalje të arta pas asaj të Majlinda Kelmendit në Rio 2016-të.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu