‘Shqipëria me sytë e mi’, afganët çelin ekspozitën në Shëngjin: Duam të falënderojmë shqiptarët për mikpritjen

Këndvështrimi i refugjatëve afganë për Shqipërinë është prezantuar përmes një ekspozite fotografike. Ekspozita e titulluar "Shqipëria me sytë e mi" u hap në ambientet e resortit ku afganët po qëndrojnë prej 4 muajsh në Shëngjin.

Përmes fotove, ata kanë treguar bukuritë e natyrës dhe mikpritjen e popullit shqiptar.

"Me anë të kësaj ekspozite ne duam të falënderojmë shqiptarët për mikpritjen. Ne nuk do të harrojmë asnjëherë atë që Shqipëria bëri për ne, pasi ishte vendi i parë që na pranoi duke na strehuar në situatën në të cilën u ndodhëm.”

"Më pëlqejnë njerëzit këtu, mund t’i konsideroj si një familje, nuk ndihem si një i huaj por tashmë jemi pjesë të së njëjtës familje. Shqiptarët janë njerëz që flasin dhe veprojnë me zemër."

Ekspozita fotografike e realizuar nga refugjatet afgan tërhoqi vëmendjen e shumë të pranishmeve, ndërsa deputetja e Partisë Socialiste Etilda Gjonaj dhe kryebashkiaku i Lezhës Pjerin Ndreu, garantuan mbështetje të vazhdueshme për ta.

Janë rreth 2 mijë afganë të strehuar në zonën turistike të Shëngjinit në Lezhë, prej shtator të 2021-shit.

SI.E./AV/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A po dështon zgjedhja e Presidentit me konsensus?



×

Lajmi i fundit

John

3 vite si President i Ukrainës, Zelensky: Ne do të fitojmë, populli ukrainas janë ‘njerëzit e vitit’ për këmbënguljen dhe forcën që treguan