Shqipëria mundet 0:1 nga Italia
ruan vendin e tretë në Grupin G

SHKODER - Shqipëria luan mirë por nuk ia del ndaj Italisë në stadiumin "Loro Boriçi" përballë tifozerisë vendase. Kuqezinjtë janë mundur minimalisht 0:1 me gol të lojtarit të Interit, Antonio Candreva. Pavarësisht kësaj humbje kuqezinjtë e Christian Panuccit arrijnë të mbajnë vendin e tretë në Grupin G me 13 pikë të grumbulluara në 10 ndeshjet eliminatore të Kupës së Botës "Rusi 2018". Kjo është humbja e dytë radhazi për Shqipërinë pas asaj 3:0 me Spanjën në Alicante tre ditë më parë. 

Me këtë ndeshje mbyllet edhe aventura e kuqezinjve në fazën kualifikuese të Kupës së Botës. Sfida e ardhshme mbeten eliminatoret e Kampionatit Europian të cilat nisin shtatorin e vitit të ardhshëm. Ndeshje të cilat FSHF shpreson t'i zhvillojë në stadiumin e ri "Arena Kombëtare", punimet për ndërtimin e të cilit vijojnë intensivisht. Kjo ishte ndeshja e parë në Shqipëri për katër herë kampionët e Botës. Me këtë fitore Italia ruan vazon e parë për fazën e ‘Play- Off’-it, ndërsa kuqezinjtë edhe pse nuk morën pikë, mbajnë vendin e tretë në grup. 

 

(Renditja në Grupin G)

Candreva i jep fitoren Italisë
Italia kaloi në avantazh në minutën e 74 të takimit me anë të Antonio Candrevës i cili përfitoi nga një shpërqendrim i mbrojtjes, duke shënuar golin e parë dhe të vetëm për "axurrët". Goli për miqtë erdhi në momemtin më të mirë për Shqipërinë pasi kishte dy herë portën e Buffon me Eros Grezdën dhe po zhvillonte një lojë të barabartë. 

Pjesa e parë 0:0 
Nuk ka fitues në 45 minutat e para në Shkodër në sfidën mes Shqipërisë dhe Italisë. Pjesa e parë ka ofruar jo pak emocione në fushën e lojës me kuqezinjtë të cilët kanë qenë më agresivë dhe më kërkues, por italianët falë edhe eksperiencës kanë kontrolluar mjaft mirë aksionet. 

Përballja me Italinë ishte më shumë se një ndeshje futbolli për shkak të marrëdhënieve shumë të mira me vendin fqinj duke e kthyer në një festë 90’ në Shkodër. 

Ndeshja Shqipëri-Itali në "Loro Boriçi"

Ora 22:15 Italia kalon në avantazh me anë të Candreva

Ora 21:32 Mbyllet 0:0 pjesa e parë

Ora 21:27 Italianët pretendojnë 11-metërsh
Italianët pretendojnë për një 11-metërsh. Veseli e prek topin me dorë në zonën tonë pas krosimit të Eder, por arbitri e vlerëson si të pavullnetshme

Ora 21:20 Odise Roshi gjuan me kokë, i pasaktë
Odise Roshi pati një mundësi të mirë për të goditur drejt portës me kokë, por nuk ishte i saktë. 

Ora 21:14 Tenton dhe Sadiku por pret Buffon
Këtë herë provon Sadiku nga distanca, por sërish Buffon nuk befasohet.

Ora 20:57 Eros Grezda shigjeton portën italiane, pret Buffon, minuta e 9

Ora 20:50 Kërcënimi i parë vjen nga Hysaj
Kërcënimin e parë në portën e Italisë e jep Elseid Hysaj, i cili godet fuqishëm nga rreth 30 metra, por goditja ishte qendrore. Pret Buffon pa probleme.

Ora 20:45 Nis ndeshja Shqipëri-Itali në Shkodër
Ka nisur në stadiumin "Loro Boriçi" të Shkodrës ndeshja Shqipëri-Itali, takimi i fundit eliminator për Botërorin "Rusi 2018". Atmosfera në stadiumin e Shkodrës është mjaft elektrizuese ndërsa shkallët e tij janë të tejmbushura.

Ora 20:40 Cana shkelmon topin për herë të fundit
Moment emocionues në nisje të takimit ishte lamtumira e Lorik Canës i cili shkelmoi topin e fundit.

Ndërsa një fanellë gjigande me numrin 5 të cilën e mbajti kapitani për 93 ndeshje me kombëtaren shqiptare, u valëvit nga tifozeria në shkallët e stadiumit. Nuk munguan as ovacionet dhe duatrokitjet në ndërim të kapitenit legjendar kuqezi, Lorik Cana.  

(Fanella gjigande e Canës në shkallët e stadiumit)

Ora 20:30 Del formacioni zyrtar Shqipëri-Itali

Shqipëria: Berisha, Hysaj, Veseli, Agolli, Hysaj, Basha, Memushaj, Grezada, Kaçe, Roshi, Sadiku

Italia: Bufon, Kielini, Darmian, Bonuçi, Spinacola, Kandreva, Galjardini, Parolo, Insinje, Imobile, Eder

 

 

(Formacionet e ndeshjes Shqipëri-Itali)

[gallery]24212[/gallery]

/Shqiptarja.com