POP 5

Lajmet më të lexuara të 5 minutave të fundit

Shëndeti

Shqipëria në ‘emergjencë’ për mjekë psikiatër! Avokati i Popullit: Të shtohen kuotat për specializantë në psikiatri

Në vendin tonë ka shumë pak mjekë psikiatër dhe Avokati i Popullit në raportin më të fundit e trajton si emergjencë këtë situatë. Avokati i Popullit shtron zgjidhje, një prej tyre shtimi i kuotave për specializantë në Psikiatri

Avokati i Popullit rekomandon shtimin e mjekëve psikiatër. Në raportin më të fundit, thuhet se vendi ka nevojë për shtimin e menjëhershëm të psikiatër.

Raporti i avokatit të popullit për vitin 2022 i cili ka marr nën monitorim  disa institucione të shëndetit mendor si Spitali Psikiatrik Vlorë, Spitali Shkodër, Spitali Elbasan,  Lezhë, Institutin e Veçantë Shëndetësor të të Burgosurve dhe Spitali Psikiatrik Tiranë “Xhavit Gjata” dhe vlerëson se është i nevojshëm shtimi i menjëhershëm i kuotave për specializantë në Psikiatri.

Rekomandohet riformulimi i kritereve të punësimit për funksionet klinike “kujdestar” dhe “task forcë”, me edukim infermieristik dhe njohuri të thelluara në rehabilitim psikiatrik spitalor, si dhe me aftësi moshore e fizike të përshtatshme për menaxhimin e axhitimit dhe riskut të lartë; si dhe trajnimin e punonjësve aktualë. Një tjetër problematikë e konstatuar ka të bëjë me moskrijimin e kushteve për ndarjen në pavione të veçanta, pasi vendosja e tyre në të njëjtin pavijon, vështirëson trajtimin.

Avokati i Popullit kërkon ndarjen dhe  riorganizimin e  pavijoneve të veçanta të personave me aftësi të kufizuar intelektuale, rezidentë, pacienteve akutë, sub-akutë, në mënyrë që të ofrohet një shërbim më i plotë dhe sipas nevojave për secilën kategori. Kërkohet gjithashtu përmirësimi I kushteve në pavijone, ngrohje, dushe dhe tualete në mënyrë që të ofrohet një shërbim sa më dinjitoz të personave që trajtohen në spitalet psikiatrike, si dhe sigurimin e bazës së nevojshme materiale për stafet psiko-sociale.

INSTITUCIONET ESHËNDETIT MENDOR TË MARR NË MONITORIM:

Spitalin Psikiatrik Vlorë

 Spitalin Psikiatrik Shkodë

 Spitalin Psikiatrik Elbasan

 IEVP Lezhë

Institutin e Veçantë Shëndetësor të të Burgosurve (IVSHB)

Spitali Psikiatrik Tiranë “Xhavit Gjata” Tiranë.

AVOKATI I POPULLIT REKOMANDON:

Shtimin e menjëhershëm dhe në vitet në vijim i kuotave për specializantë në Psikiatri;

Riformulimin e kritereve të punësimit për funksionet klinike “kujdestar”

“Task forcë”, me edukim infermieristik dhe njohuri të thelluara në rehabilitim psikiatrik spitalor, si dhe me aftësi moshore e fizike të përshtatshme për menaxhimin e axhitimit dhe riskut të lartë; si dhe trajnimin e punonjësve aktualë.

Nevojitet ndarja dhe riorganizimi i pavijoneve të veçanta të personave me aftësi të kufizuar intelektuale, rezidentë, pacienteve akutë, sub-akutë

AVOKATI I POPULLIT REKOMANDON:

Përmirësimin e kushteve në pavijone, ngrohje, dushe dhe tualete në mënyrë që të ofrohet një shërbim sa më dinjitoz të personave që trajtohen në spitalet psikiatrike, si dhe sigurimin e bazës së nevojshme materiale për stafet psiko-sociale.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29