POP 5

Lajmet më të lexuara të 5 minutave të fundit

Sport

‘Shqipëria në Europian e kryer’! Uefa, vendi i 1 dhe shpërblimet, objektivat e kombëtares në 2 ndeshjet e fundit

Jo vetëm kualifikimi, por e rëndësishme për kombëtaren është që të shkojë në Europian si kokë grupi. Kjo sepse kuqezinjve u mundëson një short më të lehtë për Gjermani 2024, ndërsa në momentin që pret bileta UEFA akordon edhe një shpërblim të majmë.

Matematika ende e pengon, por Kombëtarja sipas projeksioneve të UEFA-s me 99% është kualifikuar në Gjermani 2024. Kuqezinjve u mjafton 1 pikë në nëntor kundër Moldavisë, por me rëndësi do jetë që të besuarit e Sylvinho-s të ruajnë vendin e parë.

Kjo sepse do ishte një bonus i madh kur më 2 dhjetor të hidhej shorti për fazën e grupeve të Europianit. Shqipëria do shortohej në vazon e dytë dhe të paktën në letër do të kishte mundësi më të mëdhaja për të avancuar më tej. Me këtë skenar do ishin dy kundërshtarë më të lehtë, por gjithsesi përcaktimi i vazove të grupeve është subjekt i rezultateve të ardhshme.

Aktualisht në vazon e parë përveç Gjermanisë organizatore janë Portugalia, Franca, Anglia, Belgjika, dhe Skocia. Në vazon e dytë bashkë me Shqipërinë janë Hungaria, Zvicra, Turqia, Sllovenia dhe Austria. Të pestë këto kombëtare nuk do jenë rivale të Shqipërisë. Megjithatë kuqezinjtë nga vazo e tretë rrezikojnë përfaqësuese si Serbia, Spanja, Holanda, Kroacia, Danimarka dhe Rumania. Vazo e katërt ka ende shumë enigma, ndërsa kjo ndarje e përkohshme është e përcaktuar nga renditja e përgjithshme në këto kualifikuese. Shqipëria udhëheq grupin E kualifikues me 13 pikë, 4 më shumë se Polonia ndjekëse.

Ajo që nuk vlen për vendin e parë dhe të dytë në grup është se kush kombëtare kualifikohet për në Gjermani, UEFA e shpërblen me 9.25 milionë euro. Shifra marramendëse që mund të fryhen në bazë të rezultateve në Europian, por që federata shqiptare e ka ndjerë detyrim që një pjesë të madhe ta ndajë me futbollistët e kombëtares.  

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

6 miliardë dollarë, si ia mori Shqipëria Kinës, Rusisë dhe Jugosllavisë?! Esencë-Report Tv

6 miliardë dollarë, si ia mori Shqipëria Kinës, Rusisë dhe Jugosllavisë?! Esencë-Report Tv

10 Janar, 21:34 nga Eljan Tanini