Shqipëria në Panairin Mesdhetar  të Turizmit 2018, ja risitë

Expocity Albania, në bashkëpunim me Ministrinë e Turizmit dhe Mjedisit, do të organizojë edicionin e dytë të Panairit Mesdhetar të Turizmit 2018. Ky panair do të jetë një nga ngjarjet më të rëndësishme të turizmit rajonal, i cili ka për qëllim inkurajimin e bashkëpunimit dhe promovimit të destinacioneve turistike nëpërmjet tregtisë, konferencave dhe takimeve B2B.

Pjesëmarrësit nga 20 vende si Shqipëria, Greqia, Turqia, Italia, Mali i Zi, Maqedonia, Kosova, Bosnjë-Hercegovina, Kroacia, Franca, Spanja, Gjermania, Zvicra, Austria etj., do të shfaqin potencialin e tyre turistik në kategori të ndryshme si: Destinacionet, Akomodimi, Agjencitë, Turizmi Detar, Turizmi Malor, Gastronomia etj.

Dyert e Expocity Albania do të jenë të hapura nga data 6-7 prill, duke mirëpritur çdo të interesuar të fushës së turizmit dhe duke vendosur ura lidhëse rajonale e më gjerë. Ky panair është një mundësi e shkëlqyer për bizneset e fushës së turizmit që të rriten përmes zhvillimit të marrëdhënieve personale dhe ndërveprimit me klientët dhe partnerët.

LEXO EDHE:
'Le Figaro': Shqipëria, plazhet më të bukura të verës, nga Dhërmiu në Gjirin e Gramës

Kjo ngjarje për sektorin padyshim do të tërheqë vëmendje, ku do të paraqiten trendet e udhëtimit dhe produktet e reja të fushës. Ky panair, duke u zhvilluar për të dytin vit radhazi, do të shndërrohet në domosdoshmëri për pikëtakimet e aktoreve te rëndësishëm në industrinë e shërbimeve të udhëtimit, që kanë të bëjnë me operatorët turistikë kryesorë dhe rrjetëzimin me përfaqësuesit kryesorë të Ballkanit.

Një veçanti e këtij panairi, që e dallon nga të tjerët, është organizimi i forumeve dhe takimeve b2b që i jep një dimension real, mes takimeve të ndryshme dhe diskutimeve për temat më të prekshme. Zhvillimi i qëndrueshëm dhe shtrirja gjithëvjetore e turizmit në Shqipëri; plani i masave për mbarëvajtjen e sezonit turistik; diversifikimi i produktit dhe cilësia e shërbimeve turistike; planet lokale të turizmit dhe roli i bashkive në zhvillimin e turizmit etj., do të jenë disa nga temat që do të diskutohen mes aktorëve kryesorë të tregut në dy ditët e panairit./Monitor/

TAG:
• shqiperia
• Panairi medhetar i turizmit
• risitë

Sondazhi i ditës:

Sa i përhapur është korrupsioni në Shqipëri?

• Shumë

  84.4%

• Pak

  9.4%

• Nuk e di

  6.2%

Vota total: 1887

• Sondazhi i ditës:

  Sa i përhapur është korrupsioni në Shqipëri?

  Shumë Pak Nuk e di