POP 5

Lajmet më të lexuara të 5 minutave të fundit

Kosova & Rajoni

Shqipëria shpëton Kosovën nga ndërprerja e energjisë, rikthehet furnizimi i rregullt! KESH për Report Tv: Kemi marrëveshje depozitimi

Në Kosovë është rikthyer furnizimi normal i energjisë elektrike falë ndihmës së Shqipërisë e cila ka depozituar në rrjet sasinë e nevojshme të energjisë për të shmangur ndërprerjet. Edhe dimrin e shkuar, vendi ynë e ndihmoi Kosovën me 7,680 megavat energji në një kohë kur ajo po përballej me ndërprerje.

Shqipëria ka ndihmuar Kosovën me energji elektrike duke bërë të mundur që të mos nisë ndërprerja e furnizimit për konsumatorët. Korporata elektroenergjetike Shqiptare ka depozituar në rrjet sasinë e nevojshme të energjisë që kërkonte Kosova për të shmangur ndërprerjet. Aktualisht kërkesa për konsum në Kosovë është deri në 750 megavat në ditë, ndërsa prodhimi është rreth 507 megavat.

Kjo ndihmë u dha në kuadër të marrëveshjes së depozitimit të energjisë që ka Shqipëria me Kosovën, që në momente emergjence të ndihmojnë njëra-tjetrën. Po ashtu edhe në momentet kur secili shtet prodhon më shumë sesa është kërkesa për konsum, tepricën e depozitojnë në rrjet. Në respektim të kësaj marrëveshje, KESH sqaron për Report TV se për shkak të kushteve të emergjencës energjetike në Kosovë, sot i është dhënë një sasi energjie për të parandaluar ndërprerjen e energjisë, pasi ka pasur prodhim. Ndërsa në ditët që Kosova ka pasur prodhim të lartë nga TEC-et e ka depozituar në rrjet duke ndihmuar Shqipërinë.

Ndërsa për ditët e ardhshme Ministria e Financave e Kosovës, thekson se po punojnë për të garantuar furnizim me energji elektrike për konsumatorët. Për shkak të krizës globale të energjisë, Kosova mori vendimin që të ndërpriste dritat në fasha të caktuara orari kur prodhimi nuk plotësonte dot kërkesën.

Shqipëria dhuroi energji për Kosovën edhe në prag të ndërrimit të viteve, me 7,680 megavat për datat 31 dhjetor 2021 dhe 1 janar 2022, me mirëkuptimin që kjo sasi do i kthehej vendit gjatë verës kur është periudha e thatësirës. Kjo për shkak se Kosova e ka prodhimin kryesisht nga Termocentralet dhe vetëm 6% nga burimet e tjera, dhe ka prodhim të vazhdueshëm edhe në verë, por këtë vit tre TEC-e kanë qenë në remont, ndërsa Shqipëria nivelin më të mirë të prodhimit e ka në dimër për shkak të reshjeve duke qenë se prodhimi ynë është kryesisht hidrik përmes HEC-eve.

D.GJ/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • H.Osmanaj: 15/08/2022 22:16

    Furnizimi i Kosoves me energji elektrike, duke shmangur kufizimet per popullaten, eshte nje akt, qe deshmon se Qeveria shqipetare dhe kryeministri Rama, nuk i ndajne fjalet nga veprat…Kjo ndihem ne ditet e krizes se jashtezakonshme, nuk duhet konsideruar si lemoshe, por detyre ndaj vllezerve tone!!! BRAVOOO!!!

    Përgjigju
  • Piku: 15/08/2022 18:25

    Eshte energji borxh, o mjeshter, nuk te fal kush miliona euro.

    Përgjigju
  • Phytttt: 15/08/2022 17:49

    Ju qr po ca pune kemi ne me kosoven ti o rama na the qe do fillojn kufizime dhe ne shqiperi. Tash po thu qe paske energji dhe per kosoven

    Përgjigju
    • Mario: 15/08/2022 19:25

      Mos kalo cakun e Phytttt. Po nuk beme per njeri-tjetrin per ke do bejme?

    • Bim: 15/08/2022 18:52

      Na ben nje nder, shko ne Moske e plaku aty, shqiptaret e Kosovës hargjojn miliona per cdo vjet ne Shqipëri dhe shyqyr qe u beme ti ndihmojme pak

    • Besnik: 15/08/2022 18:23

      Ti je kafsh o vëlla, jo shqiptar!

    • Besnik: 15/08/2022 18:13

      Shqiptarët nuk janë lëtyra si puna jote? Bq njeri

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58