TIRANE-Përpos grupeve shqiptare, në lojë për trafikun e klandestinëve janë futur edhe kosovarët. Në 24 orët e fundit janë finalizuar tre operacione nga policia në Pogradec, Elbasan dhe në Kukës duke çuar në pranga 7 persona që po tentonin që kundrejt fitimit të kalonin nga Shqipëria drejt BE-së emigrantë nga vendet e treta, lindja dhe Afrika Veriore.
Operacioni i parë u finalizua në Pogradec, ku u arrestuan dy shqiptarë nga Kosova, pasi po transportonin me një minibus 16 emigrantë. Shqiptarët nga Kosova me inicialet B. J. 41-vjeç dhe F. S. 48-vjeç nga Prishtina u arrestuan në afërsi të fshatit Memlisht.
Ata i kishin marrë emigrantët sapo lanë kufirin me Greqinë dhe hynë në tokën shqiptare, ndërsa do i dërgonin në Prishtinë kundrejt pagesës, teksa derstinacioni përfundimtar ishin vendet e BE-së. Operacioni i dytë u zhvillua në Kukës, ku një 22-vjeçar nga Tirana, po tentonte që të kalonte me makinë drejt Kosovës 4 sirianë, madje nuk kishte as patentë.
Ndërkohë që në Elbasan u arrestuan 4 persona në flagrancë duke transportuar 10 emigrantë me dy automjete të marra me qira. Qëllimi ishte transporti në drejtim të Kukësit kundrejt pagesës 500 euro për person. Të arrestuarit në Elbasan janë; E. L. 30 vjeç dhe M. N. 33 vjeç, banues në Kamzë, H. H. 36 vjeç dhe L. H; 36 vjeç, banues në Tiranë. Trafikantët u kapën në orët e vona të mbrëmjes së djeshme në fshatin Mengel.
Goditja e këtij grupi, sipas policisë, ishin vijim i operacionit të nisur më datë 10 korrik, si rezultat i të cilit u vu në pranga një person dhe u procedua një tjetër, pasi transportonin 9 emigrantë, kundrejt fitimit 400-500 euro, me qëllim kalimin e paligjshëm të kufirit.
Këta persona kryenin aktivitetin e paligjshëm nga Korça në Kukës, me destinacion përfundimtar vendet e Bashkimit Evropian. Në cilësinë e provës materiale janë sekuestruar dy automjetet dhe pesë aparate celular.
Report TV solli ekskluzivisht pak javë më parë rrugëtimin e refugjatëve sirianë që pas futjes ilegalisht në Shqipëri përfundojnë në kryeqytet të ndihmuar nga grupet kriminale kundrejt pagesave për të kaluar në vendet e BE-së.
Lajme të tjera
-
Reshje bore në Rrugën e Kombit, lëvizni me kujdes! Trashësia 5 cm në Tunelin e Kalimashit! Mungesë energjie në fshatrat e Kukësit dhe Korçës
23 Nëntor, 11:28
-
Tropojë/ Ishin të dehur, i riu vret 43-vjeçarin në lokalin e fshatit, dy grupe të FKS-së së Shkodrës për arrestimin e autorit (EMRAT)
22 Nëntor, 14:35 -
Moti i keq/ Disa fshatra pa energji elektrike në Kukës! Fierza në ‘krizë’ për ujë
22 Nëntor, 12:35 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Ministri Hoxha prezanton drejtorët e Kukësit dhe Dibrës: Të krijojmë mjedise të sigurta në shkolla, rrugë, lagje e kudo
19 Nëntor, 15:26 -
'Erdhi' dimri, bora e parë në Pukë, Fushë-Arrëz, Librazhd dhe Shishtavec të Kukësit! Pamje nga zonat malore veshur me petkun e bardhë
15 Nëntor, 15:07 -
Aksident me 3 të plagosur, bllokohet për 1 orë e gjysmë aksi Pogradec-Lin (VIDEO)
14 Nëntor, 16:26 -
Gjirokastër/ Trafiku i drogës dhe klandestinëve drejt Greqisë, ‘Crossborder’ godet grupin me 11 persona! 4 të arrestuar, 5 në kërkim dhe 2 nën hetim (VIDEO)
14 Nëntor, 13:21 -
Nënshkruhet në Azerbajxhan memorandumi i gazifikimit të Korçës, Me Emiratet Arabe firmoset marrëveshja për kompani të përbashkët energjetike
12 Nëntor, 18:28 -
Pogradeci largoi trajnerin, ul në stol ish-in e Tiranës
12 Nëntor, 10:00 -
37 vite nga vdekja e Lasgush Poradecit! Liriku i madh i letërsisë dhe atdhetari i mbrojtjes së kombit dhe traditës së Rilindjes
12 Nëntor, 09:05 -
Kukës, nënat me fëmijë të vegjël në krahë apel bashkisë: Bëni trotuaret! Rrezikojmë jetën duke ecur në rrugën e makinave
9 Nëntor, 17:01
