Shoqata Ornitologjike e Shqipërisë (AOS) ka publikuar rastin e plagosjes së një Shqiponje Mali me çifte, që është simboli dhe krenaria jonë shqiptare. Shoqata AOS tregon se Shqiponja e Malit është qëlluar ilegalisht për qëllime të përfitimit financiar dhe kërkojmë urgjentisht nga instancat publike të merren masat për hetim të çështjes, dhe ndjekjen e çështjes deri në fund.
Shkrimi i plote i shoqatës AOS
Pak ditë më parë, stafi i ADZM Berat informoi mbi gjetjen e një Shqiponje Mali (Aquila chrysaetos) në Skrapar e cila më pas u përcoll prej tyre në Qendrën e Rehabilitimit të Shpendëve të Egër në Parkun Kombëtar Divjakë-Karavasta. Analiza grafike e kryer nga ADZM Fier, konfirmoi dyshimet se shpendi ishte i plagosur dhe i paaftë për fluturim. Grafia tregoi se trupi i Shqiponjës së Malit ishte i mbushur me saçme ndërsa krahu i djathtë rezulton i thyer. Me shumë mundësi shpendi është qëlluar për tu kapur e përdorur si objekt tregtie. Pra, kemi të bëjmë me një viktimë të pastër të brakonazhit me qëllim tregtinë e paligjshme të kafshëve të egra. Që të dy veprimet janë rreptësishtë të ndaluara dhe duhet të penalizohen.
Shqiponja e Malit, ky simbol kombëtar i Shqipërisë, shpend madhështor i maleve tona, është pikërisht ai që na jep krenarinë dhe identitetin kombëtar shqiptar. Ndaj ky rast i goditjes apo i tregtimit të Shqiponjës së malit saj nuk është thjesht një vrasje apo tregti tjetër që duhet kaluar në heshtje. Është vrasje dhe përdhosje e simbolit tonë kombëtar shqiptar ndaj dhe duhet që autoritetet përgjegjëse ta marrin rastin tepër seriozisht dhe ta hetojnë sikurse hetohet çdo krim i rëndë.
Ky krim është akoma më i rëndë se çka paraqitet nëse marrim parasysh se në 20 vitet e fundit, popullata e Shqiponjës së Malit ka pësuar rënie drastike. Nëse në fillimin e viteve 2000, BirdLife International raporton50-150 çifte të Shqiponjës së Malit, Atlasi i Shpendëve Folezues të Europës raporton në 2020 për vetëm25-63 çifte folezues.
Pra në 20 vitet e fundit, popullata e Shqiponjës së Malit në Shqipëri vlerësohet të ketë rënë me rreth 50-60%. Një rënie katastrofike dhe tepër shqetësuese për çdo institucion dhe çdo qytetar.
Autoritetet duhet të reagojnë me hetimin dhe ndjekjen e menjëhershme të këtij rasti që ky lajm i trishtë të mos përdoret vetëm për të njollosur Shqipërinë. Por ata duhet të reagojnë dhe për rimëkëmbjen e simbolit tonë kombëtar që po rrezikon të zhduket nga memorja historike. Vite të shumta të përndjekjes, vrasjes, rrëmbimit të të vegjëlve, helmimit dhe përshqetësimit të habitateve folezuese po e zhdukin simbolin tonë. Kjo humbje nuk ka çmim sepse ruajtja e memories historike është më e rëndësishme se çdo gjë.
Nëse nuk veprohet sot, nesër askush nuk do të flasë më për lidhjen simbolike të kombit tonë me Shqiponjën e Malit dhe shqiptarët mund të quhen çdo gjë veç jo bijtë e Shqipes Krenare!
Komente
Lajme të tjera
-
Kishin armë gjahu pa leje dhe gjuanin shpendë të egër, 3 persona gjobiten me nga 50 mijë lekë dhe vihen nën hetim në Shkodër
13 Shtator 2022, 21:18 -
Situatë skandaloze në Lagunën e Nartës në Vlorë, lulëzon gjuetia e paligjshme! Report Tv siguron pamjet, fishekë pa fund (VIDEO)
31 Tetor 2021, 14:29
-
Ndalimi i gjuetisë jep efekt pozitiv, rritet numri i shpendëve në liqenin e Pogradecit dhe të Prespës
17 Janar 2021, 20:41 -
Peshkaqenët drejt zhdukjes në Adriatik, peshkatari: Nuk ka ligj që ndalon gjuetinë, s'dimë si të veprojmë (VIDEO)
1 Nëntor 2020, 15:24 -
Gjuetia e paligjshme, gjurmët e 'masakrës' në Nartë (VIDEO)
30 Tetor 2020, 21:05
Sa njerez te keq jemi o zot nuk e kuptoj sa vlere kane ato leke te ndyra duke shkaterruar mjedisin qe jetojme , shteti duhet ti ndershkoje keta pisa ordinere
PërgjigjuKy eshte brezi qe kemi rritur dhe po edukojme qe per para shesin edhe simbolet kombetare.
Përgjigju