Rama i 'përvishet' Nishanit për çështjen e vizave: Je dizinformimi dhe çoroditja e publikut

Zbatimi i programit ETIAS nga Bashkimi Europian, ka sjellë përplasje mes palëve politike, ku opozita akuzon se në vendin tonë do të rikthehen vizat.

Kjo deklaratë e bërë nga ish-presidenti Bujar Nishani, ka bërë që kryeministri Edi Rama të reagojë sërish, për të shpjeguar programin ETIAS, dhe duke iu drejtuar Nishanit  thotë se ai po dezinformon publikun.

“Fatkeqësisht e sërish, nishani i opozitës është dizinformimi dhe çoroditja e publikut shqiptar”, shkruan Rama, dhe shton ”Ja e vërteta e zbatimit të programit ETIAS nga Bashkimi Europian, ku shtetasit e vendeve PA VIZA me BE, sikurse Shqipëria, do të vijojnë të udhëtojnë PA VIZA në BE, por nga 2023 do t’u kërkohet që të marrin vetëm një autorizim elektronik online para nisjes, në funksion të një filtri digjital të BE kundër terrorizmit, krimit të organizuar dhe kërcënimeve shëndetësore. Vini Maskën në mendje kundër virusit të dizinformimit dhe çoroditjes", shkruan Rama i cili ka publikuardhe një video ku jepen më shumë detaje për sistemin.

Në shkrimin e tij mes të tjerash Nishani shkruante se nga 1 Janari për shqiptarët nuk ka më prit e merr biletën.

“Sot erdhi “dhurata” e rëndë për shqiptarët. Që nga 1 Janari për shqiptarët nuk ka më ; “prit biletën, merr (avionin, tragetin, autobuzin) e shko ku e ke nevojën, hallin apo qejfin në Evropë”, shkruante Nishani.

TAG:
• edi rama
• Bujar Nishani
• eitas