POP 5

Lajmet më të lexuara të 5 minutave të fundit

Kronikë

Punonte në minierë në Shqipëri por përfundoi tek ‘shtëpitë e barit’ në Angli! Shqiptari prangoset nga policia britanike! Rrëfimi: S’kisha të ardhura, vëllain e kam invalid! Mora para borxh

Para se të hapte derën Sinani hodhi telefonin në tualet në mënyrë që policia të mos zbulonte lidhjet e tij. Shqiptari nuk rezultonte të ishte i dënuar më parë ndërsa kërkoi ndjesë përpara gjykatës dhe deklaroi se ishte i penduar që ishte përfshirë në kultivimin e kanabisit.

Punonte në minierë në Shqipëri por përfundoi tek ‘shtëpitë e barit’ në Angli! Shqiptari prangoset nga policia britanike! Rrëfimi: S’kisha të ardhura, vëllain e kam invalid! Mora para borxh

Kushtrim Sinani me origjinë shqiptare, ka rënë në prangat e policisë britanike pasi u kap në një fermë kanabisi të njohura tashmë si ‘shtëpi bari’. Para autoriteteve, shqiptari ka rrëfyer historinë e tij, nga puna në minierat shqiptare, të ardhurat e ulëta për familjen dhe vëllain të cilin e ka invalid.

Droga që posedonte shqiptari nëse do të dilte në treg mësohet se ka vlerën e rreth 90 mijë paundëve. Policia gjeti 21 rrënjë në dhomën e pritjes dhe 19 të tjera në dhomën e gjumit përpara, 65 në papafingo dhe 23 rrënjë të tjera gati për t’u kultivuar.

Sinani hedh telefonin në tualet kur policia i troket në derë

Oficerët e policisë trokitën në derën e ndërtesës ku kultivohej kanabisi. Pas pesë minutash dera është hapur nga shqiptari Kushtrim Sinani. Para se të hapte derën Sinani hodhi telefonin në tualet në mënyrë që policia të mos zbulonte lidhjet e tij.

Eksperti i azilkërkuesve, rrëfen historinë e Kushtrim Sinanit

“Ai vjen nga një familje e varfër dhe i di pasojat, që lidhen me deportimin e tij në Shqipëri, ku më parë ai kishte punuar në minierë dhe nuk ia dilte dot të ndihmonte prindërit e moshuar nga të ardhurat që merrte. Ai ka edhe një vëlla invalid, i cili humbi njërën këmbë gjatë një aksidenti në minierë. I pandehuri erdhi në Mbretërinë e Bashkuar ilegalisht, në pjesën e pasme të një kamioni pasi kishte marrë borxh për të hyrë në Angli. Ai u detyrua të punojë në fermën e kanabisit dhe nuk kishte zgjidhje tjetër për shkak të borxhit”, u shpreh Islam Khan, një nga ekspertët mbi azilkërkuesit, trafikun e drogës në gjykatën e Liecesterit.

Sipas raportimeve nga mediat britanike, Kushtrim Sinani u dënua me 27 muaj burg. Shqiptari nuk rezultonte të ishte i dënuar më parë ndërsa kërkoi ndjesë përpara gjykatës dhe deklaroi se ishte i penduar që ishte përfshirë në kultivimin e kanabisit.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Naku: 14/02/2022 08:47

    Ja dhe bujku shqiptar ne UK. Tja fusin nja 10 vjet burg dhe kur te dale nga kutia do te kete harruar edhe emrin e vet.

    Përgjigju
  • Iris: 14/02/2022 01:37

    Na mbushe mendjen! Te gjithe nga halli kemi emigruar,kemi marre borxh,kemi shitur sende,orendi e shtepi qe te siguronim parate per udhetimin e fillimin e jetese nga 0,por nuk kemi shkuar te punojme per trafikantet dhe kete e them per emigrantet e ligjshem e te paligjshem qe kane ardhur ketej,por ky me shoke duan te kene Porsche,Bentley dhe helikopter brenda 5 min.dhe pa u lodhur e pa u djersitur, si ai toke xanesi para nja dy ditesh qe shiste mend.

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

La Liga/ Mbappe shkëlqen me tre gola, Real Madrid fiton kundër Valladolid dhe nis 'arratisjen'

La Liga/ Mbappe shkëlqen me tre gola, Real Madrid fiton kundër Valladolid dhe nis 'arratisjen'

25 Janar, 22:57