Një shqiptar 27-vjeçar është arrestuar në Itali dy ditë më parë me akuzën e tentativës së vrasjes ndaj ish të fejuarës së tij 20-vjeçare. Ngjarja e rëndë ka ndodhur në komunën Melzo në provincën e Milanos. Shqiptari e ka pritur ish të dashurën e tij jashtë një bari ku ajo punonte a pas një grindjeje të dhunshme e ka goditur disa herë me thikë. Motivi i kësaj ngjarjeje ka qenë xhelozia e mospranimi nga ana e 27-vjeçarit për t’i dhënë fund lidhjes.