POP 5

Lajmet më të lexuara të 5 minutave të fundit

Media

Shqiptarja.com lind gazeta që
Respekton fjalën dhe të vërtetën

Tregut të mediave shqiptare që nga 4 nëntori iu shtohet një e përditshme e re me emrin tradicional dhe modern njëkohësisht Shqiptarja.com. Gazeta është ndërtuar në një koncept interesant dhe shumë të veçantë krahasuar me gazetat e tjera.
Shqiptarja.com lind gazeta që<br />Respekton fjalën dhe të vërtetën
Tregut të mediave shqiptare që nga 4 nëntori iu shtohet një e përditshme e re me emrin tradicional dhe modern njëkohësisht Shqiptarja.com. Gazeta është ndërtuar në një koncept interesant dhe shumë të veçantë krahasuar me gazetat e tjera. Ideatorët synojnë t’i japin rëndësi fjalës dhe seriozitetit të ngjarjeve. Në fakt, faqosja e kësaj gazete është zgjedhur e thjeshtë dhe pa ndërlikime grafike duke synuar që lexuesit t’i tërhiqet më shumë vëmendja nga përmbajtja se nga truket grafike.

Ndryshimi me gazetat e tjera është që në faqen e parë, ku nuk është e ngjashme me asnjërën: Shkrimet dhe analizat nisin që këtu duke shmangur që faqja e parë të jetë vetëm një kopertinë, përkundrazi, bëhet një ftesë për lexim që në fillim. Në prezantimin e gazetës dhe të ëebsite me të njëjtin emër lexohet: “Shqiptarja.com lind si nismë e një grupi gazetarësh, operatorë dhe përfaqësues të shoqërisë civile, të cilët u bashkuan rreth një qëllimi: Të krijojnë në Shqipëri një grup editorial të pavarur nga çdo parti, në të cilin, rregullat profesionale dhe deontologjike të informacionit mbizotërojnë mbi luftërat politike dhe interesate palëve.

Pjesa më e madhe e protagonistëve të kësaj sfide editoriale, u lind dhe u rrit profesionalisht te “Gazeta Shqiptare”, "Balkanweb" dhe "News24", grupi editorial që prej 18 vjetësh kryente aktivitet në Shqipëri, ishte pikë referimi për opinionin publik, kombëtar dhe ndërkombëtar falë besueshmërisë, autoritetit dhe pavarësisë. “
Në staf bien sy emrat e gazetarëve me eksperiencë si Alba Malltezi, Anila Basha, Arben Rrozhani, Genc Kondi, Admirina Peçi, Poli Hoxha etj. , të cilët synojnë të sjellin te lexuesi shqiptar shpjegimin profesional të lajmeve dhe të ngjarjeve që ndodhin në vend.

Vetëm kuota të vogla aksionesh (do të mund t’u lëshohen eksponentëve të botës së biznesit, me kushtin që të ndajnë me ortakët themelues principet frymezuese.

Udhëheqëse e këtij projekti është shoqëria "Free & Fair Media Group" (FFM Group). Në statutin e shoqërisë përcaktohet se objektiv i Grupit është “formimi dhe rritja profesionale e gazetarëve sipas principeve të shprehjes së lirë dhe të pavarur”. Grupi është ndërtuar në një dimension multimedial.

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça