Asnjë person komuniteti shqiptaro-izraelit nuk është larguar nga Izareli drejt Shqipërisë, që kur Hamasi sulmoi në një mënyrë të paprecedente shtetin e Izraelit, duke futur vendin në luftë.
Kështu deklaruan në emisionin ‘Frontline Interview’ në Report Tv me gazetaren Marsela Karapanço dy shqiptaro-izraelitë, të cilët jetojnë dhe punojnë atje. Semito Solomon, me profesion ekonomist, tha se nuk e ka ndërmend që të largohet nga vendi, e shtoi se ajo tokë do të mbrohet me gjak.
'Ditë shumë të vështira pasi ti je në shtëpinë tënde, të çajnë kufirin kombëtarë dhe të futen 1000 veta me motor e me makina dhe të vijnë e bëjnë akte barbare. Jetoj në një qytet afër Karmielit që është në veri të Izraelit dhe jemi larg me luftën që bëhet në jug. Nuk kemi asnjë shqetësim më të vogël. Unë në Shqipëri vij 3 herë në vit se kam mall për shqiptarë, por nuk iki në këtë moment nga Izareli e të vij në Shqipëri që qëllohet nga Hezbollahu. Në këto momente jo unë, por asnjë izraelit. Këtu shkalla e patriotizmit është shumë e lartë, këtu është tokë që mbrohet me gjak. Në nuk e lëmë Izarelin, është i joni. Të gjithë në Izrael, kam dhomën time të blinduar jo vetëm për të tilla predha, por edhe për predha atomike. Është brenda shtëpisë, e aprovuar nga shteti. Barbarizma dhe tmerr.’- tha Solomon.
Edhe Iris Matathia, shqiptare e cila jeton dhe punon atje, u shpreh se askush nga komuniteti shqiptar-izraelit nuk ka kërkuar që të vijë. Sipas saj, ata që janë larguar drejt Shqipërisë, ose mund të kenë qenë turistë ose studentë, por jo banorë që jetojnë në Izrael.
‘Situata tensionuese. Dëgjojmë avionë dhe helikopterë që kalojnë. Jemi shëndoshë e mirë. Sa i përket gjendjes dhe masakrave, kjo ishte një masakër e vërtetë. Të masakrohen fëmijë njerëz të moshuar, është gjithçka e pabesueshëm. 40 bebe të vrarë. Është e pabesueshme. Është shumë e frikshme, që një organizatë terroristë shkoi dhe vrau të pafajshëm. S’kam kërkuar të vij në Shqipëri për momentin, nuk dua të largohem. Jemi këtu dhe nuk duam të largohemi. Kam dëgjuar që shumë njerëz që duan të rikthehen në Izrael. Janë 360 mijë rezervistë të mobilizuar. Ne jemi nënshtetas izraelit, jemi në tokën tonë. Ata që janë larguar kanë qenë thjesht turistë, ose njerëz që kanë ardhur të punojnë në Izrael. Nga komuniteti shqiptaro-izrael nuk është kthyer njeri në Shqipëri. Hamasi është një organizatë terroriste, Izraeli nuk e filloi këtë luftë. Këto janë akte barbare dhe të papranueshme.’- tha Matathia.
Artur Mecollari, ish-komandanti i Forcave Detare, në një intervistë për ‘Frontline Intervew’ në Report Tv tha se synimi i ushtrisë izraelitë është eliminimi i plotë i Hamasit. Për gazetaren Marsela Karapanço, Meçollari tha se Hamasi ka kryer krime monstruoze, që nuk janë parë që nga Lufta e Dytë Botërore dhe se Izraeli ka legjitimitetin e plotë që të kryejë një spastrim të plotë të Hamasit.
'Ishte një sulm i befasishëm. Që të garantosh 360 gardë me një kupolë ajrore në të gjithë vendin është e pamundur. Ka pikëpyetje që lidhen jo me dështimin por me manipulimin ose me një kontroll të situatës, s’ka të dhëna që e lidhin këtë por ka dyshime të forta. Ai është operacion spastrimi eliminimi i plotë i Hamasit dorëzim pa kushte. Me të gjithë këto krime që ka kryer Hamasi, jo vetëm ka shkelur integritetin territorial të Izraelit por ka kryer krime monstruoze që nuk janë parë që nga Luta e Dytë Botërore. Objektivi kryesor i Izraelit është eliminimi i plotë i Hamasit dhe ky është një objektiv i ligjshëm. Është një masakër, i kanë vrarë me armë zjarri ata në festival. I kanë përdhunuar femrat dhe disa nga ata janë e pengje. Veprime të tilla janë përtej imagjinatës në vitin 2023. Izraeli është një vend demokratik i cili do të nxjerrë të vërtetën si ka ndodhur.’- tha Meçollari.
Meçollari u shpreh se nuk beson se do të ketë një luftë të tejzgjatur dhe se objektivi është afatshkurtër, eliminimi i Hamasit.
‘Nuk besoj se do të jetë luftë e tejzgjatur objektivi është afatshkurtër. Eliminimi i Hamasit. Ai është një objektiv i kufizuar.’- tha Meçollari.
Meçollari tha se Shqipëria ka mbajtur një pozicion të qartë në lidhje me mbështetjen për Izraelin.
‘Shqipëria ka një pozicion të qartë që mendoj se është shumë korrekt. Kemi një akt terrorist. Shqipëria është korrekte në lidhje me pozicionin që ka me këtë luftë të paprecedentë dhe është akt terrorist.’- tha Meçollari.
Komente
Lajme të tjera
-
Fëmija shqiptar që lindi në det, ja kush është! Esencë-Report Tv
29 Mars, 22:45
-
Baza e NATO-s në Kuçovë taktike/ Koloneli për '5 pyetje': Mund të përdoret dhe për kontrollin e hapësirës ajrore në rajon! Rusia është kërcënim i qartë
4 Mars, 21:24 -
Presidenti i Argjentinës vizitë në Izrael në shenjë solidariteti
6 Shkurt, 14:50 -
Antony Blinken mbërrin në Arabinë Saudite
5 Shkurt, 15:25 -
Rrëfimi prekës i ushtarit izraelit: Palestina duhet të jetë shtet, ata nuk kanë faj që na urrejnë
5 Shkurt, 14:31 -
Ligjvënësit republikanë propozojnë mbi 17 miliardë dollarë ndihma për Izraelin
5 Shkurt, 12:03 -
Ushtria e Izralit bën bilancin: Prej 7 tetorit janë goditur rreth 50 objektiva të Hezbollahut në Siri
4 Shkurt, 07:40 -
Lufta/ Hamasi i thotë ‘Jo’ marrëveshjes! Netanyahu: Do ta luftojmë derisa Hamasi të eliminohet! Bomba në një kopësht në Rafah, dy vajza të vrara
4 Shkurt, 06:45 -
Foto satelitore të Gazës para dhe pas sulmeve izraelite
2 Shkurt, 18:10 -
Netanyahu nuk gjen qetësi, sërish nën trysni për të pranuar marrëveshjen me Hamasin, por çfarë pritet të ndodhë?!
2 Shkurt, 16:33 -
Turqia arreston 7 të dyshuar për shitje të informacionit Mossadit të Izraelit
2 Shkurt, 12:33 -
Takimi me ambasadoren e Izraelit, Kurti shpreh ngushëllimet e tij për viktimat e sulmeve nga Hamasi: Izraeli ka të drejtë të mbrohet
1 Shkurt, 18:40
TUR MECOLLARI ESHT I PREGATITUR SHUM KA MBARUAR NE AMERIK DHE ESHT ME 7 GJUH TE HUAJA.
PërgjigjuE kujt i plasi raKu?