POP 5

Lajmet më të lexuara të 5 minutave të fundit

Ekonomi

Shtatori, muaji i parë i qeverisë
Rama, asnjë shenjë rritje në buxhet

 Të dhënat e statistikave fiskale të ministrisë së Financave për shtatorin flasin për një situatë shumë të vështirë në realizimin e zërave të buxhetit
Shtatori, muaji i parë i qeverisë<br />Rama, asnjë shenjë rritje në buxhet
TIRANE- Të dhënat e statistikave fiskale të ministrisë së Financave për shtatorin flasin për një situatë shumë të vështirë në realizimin e zërave të buxhetit. Deri të fund të shtatorit, deficiti buxhetor ishte sa 96% e gjithë planit vjetor, ose 10 miliardë lekë më shumë se plani
 
Me të ardhurat që ishin gati 10 miliardë lekë më pak me bazë vjetore për 9 mujorin dhe shpenzimet që ishin 22.5 miliardë lekë më shumë se janar-shtatori 2012, deficiti buxhetor u rrit me 32.5 miliardë lekë për periudhën në fjalë. Të dhënat bëhen të ditura nga statistikat fiskale të Ministrisë së Financave për shtatorin. Deri të fund të shtatorit, deficiti buxhetor ishte realizuar sa 96% e gjithë planit vjetor (buxhetit vjetor të ndryshuar pas privatizimeve).

Deficiti buxhetor për 9 mujorin rezulton kështu rreth 10 miliardë lekë më shumë se plani. Në këto kushte, me Aktin Normativ që kaloi së fundmi në parlament, qeveria vendosi që të rrisë kufirin e borxhit vjetor edhe me rreth 24 miliardë lekë, që do të sigurohet tërësisht nga financimi i brendshëm.
I lartë ka qenë ritmi i rritjes së shpenzimeve kapitale sidomos në 6 muajt e parë të vitit, periudhë që përkon me situatën parazgjedhore. Në shtator, psh, shpenzimet kapitale ishin 30% më të ulëta se e njëjta periudhë e vitit të mëparshëm.

Ndërsa në shtator kur u ndërruan zyrtarisht pushtetet, të ardhurat në buxhet ishin 24.5 miliardë lekë, duke rezultuar 6.5% më pak se e njëta periudhë e vitit të kaluar dhe rezultati më i dobët që nga shtatori i vitit 2008.
TVSH-ja vijon të jetë zëri që në vlerë absolute ka rendimentin më negativ në mbledhjen e të ardhurave buxhetore, duke ndikuar në gati 65% të rënies. Zëri i dytë më negativ ishte ai i akcizës, që arriti në rreth 26 miliardë lekë, me një rënie prej 8.9% apo 2.5 miliardë lekë, në raport me periudhën janar-shtator 2012.

Shkrimi u publikua sot (27.10.2013) në gazetën Shqiptarja.com (print)

Redaksia Online
(d.d/shqiptarja.com) 
 

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Ciceron/ Vijon e hapur ekspozita për At Shtjefën Gjeçovi! ‘Agnesa e Zotit’ vjen tek ‘Eksperimentali’! Në ‘Petro Marko’ të Vlorës mbahet koncerti ‘Nëntori i një filmi’

Ciceron/ Vijon e hapur ekspozita për At Shtjefën Gjeçovi! ‘Agnesa e Zotit’ vjen tek ‘Eksperimentali’! Në ‘Petro Marko’ të Vlorës mbahet koncerti ‘Nëntori i një filmi’

28 Nëntor, 12:43 nga Blerina Goce