Shtatzania apo rregullat mbretërore?! Meghan Markle humb ditën më të bukur të mikes së zemrës

Dasma e Priyanka Chopra dhe Nick Jonas do të zhvillohet këtë fundjavë në një pallat, në Jodhpur, Indi. Ajo që i ka rënë në sy mediave është fakti se Meghan Markle dhe Princ Harry nuk do të jenë në dasmën që bashkon Hollywood-in dhe Bollywood-in, kjo pavarësisht se Priyanka, nuk mungoi në ceremoninë e dasmës mbretërore, ku mikja e saj e ngushtë u martua me Princ Harryn.

Disa burime i konfirmuan këto zëra duke thënë se “Meghan nuk do të shkojë në dasmën e Priyanka-s, sidomos prej faktit se tani është shtatzënë”. Por përveç shtatëzanisë së Dukeshës, një tjetër motiv që ka penguar çiftin të udhëtojë drejt Indisë, është edhe siguria, gjë që pengoi Meghan dhe Harryn të ndiqnin edhe ceremoninë e ndarjes së çmimeve Oskar.

Meghan, Harry, Priyanka dhe Nick janë parë disa herë nën shoqërinë e njëri-tjetrit. Çiftet ishin së bashku në Oksofordshire, në korrik, në javën kur Nick i propozoi Priyankas.

TAG:
• meghan markle
• princ harry
• nick jonas
• priyanka chopra