Shuhet në moshën 85-vjeçare këngëtari i Ansamblit të Këngëve dhe Valleve Popullore, Sali Brari. Këtë e ka njoftuar Teatri Kombëtar i Operës, Baletit dhe Ansamblit Popullor.
Sali Brari u lind në Tiranë më 18 maj të vitit 1935. Që në shkollën fillore u shpërfaq talenti i tij me zërin e ëmbël e të ngrohtë, duke u aktivizuar në aktivitetet muzikore të asaj periudhe.
Në vitin 1956, Sali Brari u emërua këngëtar pranë Estradës së Shtetit. Me krijimin e Ansamblit të Këngëve dhe Valleve Popullore në vitin 1957, ai iu bashkua kësaj trupe, derisa sa doli në pension. Gjatë kësaj periudhe, ai kreu edhe Liceun Artistik pranë degës e kantos.
Këngëtari Sali Brari
Postimi i Teatrit Kombëtar i Operas dhe Baletit
Lamtumirë – Bilbilit të këngës popullore Sali Brari. Shtegtoi edhe një bilbil....
Teatri Kombëtar i Operës, Baletit dhe Ansamblit Popullor, me hidhërim të thellë mësoi ndarjen nga jeta të artistit të Ansamblit të Këngëve dhe Valleve Popullore, këngëtari me vokalin e veçantë, artisti me aftësi të rralla, Sali Brari.
Sali Brari u lind në Tiranë më 18 maj të vitit 1935. Që në shkollën fillore u shpërfaq talenti i tij me zërin e ëmbël e të ngrohtë, duke u aktivizuar në aktivitetet muzikore të asaj periudhe. Në vitin 1956, Sali Brari u emërua këngëtar pranë Estradës së Shtetit. Me krijimin e Ansamblit të Këngëve dhe Valleve Popullore në vitin 1957, ai iu bashkua kësaj trupe, derisa sa doli në pension. Gjatë kësaj periudhe, ai kreu edhe Liceun Artistik pranë degës e kantos.
Në repertorin e Sali Brarit gjejmë një larmi këngësh popullore, këngë të përpunuara, këngë popullore të krijuara nga kompozitorët tanë, deri tek interpretimi prej tij në operetën “Vjeshtë e artë” e kompozitorit Tish Daija si dhe opera “Skënderbeu”.
Sali Brari shndriti në çdo shesh e në çdo skenë të vendit. Po aq i suksesshëm ishte edhe në turnetë e Ansamblit të Këngëve dhe Valleve Popullore në Europë, Azi e Afrikë, duke i mahnitur të huajt me fuqinë interpretative dhe zërin aq të veçantë e melodioz. Për aktivitetin dhe kontributin e tij në fushën e interpretimit të muzikës popullore, Kuvendi Popullor e ka vlerësuar me Urdhërin “Naim Frashëri” të Klasit të I-rë. Në emër të drejtuesve dhe artistëve, TKOBAP i shpreh ngushëllimet më të ndjera familjes, bashkëpunëtorëve dhe miqve të shumtë të artistit Sali Brari. I përjetshëm do të mbetet kujtimi i tij!
Komente
Lajme të tjera
-
VIDEO/ Selaniku 'qan' për Vassilis Karras! Këndojnë gjithë natën këngët e tij
25 Dhjetor 2023, 12:00 -
VIDEO/ Momenti kur një këngëtar brazilian rrëzohet papritur dhe vdes në skenë
15 Dhjetor 2023, 09:26 -
70-vjet histori! Teatri i Operas feston me Beethoven
28 Nëntor 2023, 16:10 -
VIDEO/ Maluma po performonte në skenë, fansi e qëllon me patericë
12 Shtator 2023, 12:17 -
Ansambli i këngëve dhe valleve zbret në Shëngjin, koncerti festiv folklorik ndiqet nga qindra pushues
19 Gusht 2023, 13:39
-
PROFIL/ Kërceu me mjeshtrit e Ansamblit si Rexhep Çeliku, sot u trashëgon vallen të rinjve! 37 vjet të Brikena Jaupajt në Opera, mes emocioneve e sakrificave
30 Korrik 2023, 19:33
-
FOTO/ Lajm i trishtë për Butrint Imerin, këngëtari njofton ndarjen nga jeta të njeriut të afërm
25 Korrik 2023, 16:48 -
Suedia i kërkon ta përfaqësojë vitin tjetër në Eurovizion, Albina Kelmendi: Jemi në bisedime
30 Maj 2023, 16:05 -
Tipike shqiptarësh! U pyet se sa para merr nëpër dasma, ja si përgjigjet Maestro
29 Maj 2023, 12:38 -
THIRRJA/Pas debateve për rastin Jaho, teatri i Operës, mban në qershor masterclass-in e dytë të Akademisë Teatrale me sopranon e njohur italiane!
14 Maj 2023, 13:03 -
Pengu i reperit Stresi, realizimi i një film për jetën e tij, ja çfarë e pengon
23 Shkurt 2023, 10:05 -
MC Kresha dhe Lyrical Son sjellin bashkëpunimin e ri 'Jerëm'
16 Shkurt 2023, 19:31
Qofte I xhenetit asi I kenges popullore
PërgjigjuU kujtoftë gjatë BILBILI I KËNGËS SHQIPE, nga familjarët, bashkëpunëtorët dhe miqtë e shumtë nëpër të gjitha trojet shqiptare! Prishtinë
PërgjigjuI qofte dheu i lehte. Per mua eshte nje nga interpretuesit mbreselenes te muzikes se kultivuar popullore. RIP artisti S.Brari.
Përgjigju