POP 5

Lajmet më të lexuara të 5 minutave të fundit

Kronikë

Shtëpi bari në Dimal, arrestohet pronari i banesës, 2 vëllezër nga Fieri, përgjegjësi dhe faturisti i OSHEE-së

Një shtëpi bari është zbuluar në fshatin Pobrat të Dimalit. Policai ka vënë në pranga pronarin e banesës dhe përgjegjësin dhe faturistin e OSHEE-së

Një banesë njëkatëshe ishte përshtatur në laborator për kultivimin e kanabisit në fshatin Pobrat të Dimalit.

Policia ra në gjurmë pasi zbuloi se në banesën e Bejdo Rapos kishte një ambient që furnizohesh me lidhje të paligjshme të energjisë elektrike dhe që ishte përshtatur me llamba dhe pajisje të tjera, për kultivimin e bimëve narkotike në ambiente të mbyllura.

Gjatë kontrolleve në këtë ambient, shërbimet e Policisë gjetën dhe sekuestruan në cilësinë e provës materiale, 85 bimë të dyshuara narkotike kanabisi, 315 fidanë bime narkotike, 25 llamba, 1 aspirator, 6 ventilatorë dhe 20 rritës të energjisë elektrike.

Në pranga u vu Bejdo Rapo, 21 vjeç që ishte pronari i banesës dhe Igli Borova 29 vjeç. Ky i fundit u arrestua pasi ishte i shpallur në kërkim, pasi Gjykata e Lushnjës kishte caktuar masën e sigurisë "Arrest në burg", për veprën penale "Kultivim i bimëve narkotike". Gjithashtu në pranga ra dhe  vëllai i tij Frederik Borova, 25 vjeç, të dy banues në Fier.

Në kuadër të këtij operacioni, u bë arrestimi dhe i dy punonjësve të OSHEE-së, shtetasit Renato Mingo, 55 vjeç, me detyrë përgjegjës i grupit të OSHEE-së dhe Eriglen Bejdo, 32 vjeç, me detyrë faturist elektrik, për veprën penale "Shpërdorimi i detyrës".

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.

Operacioni u kodua "Pobrati" 

S.G/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Dhunoi në tetor babë e bir të familjes Caca në Fushë-Krujë, arrestohet Ariel Rraja, nipi i ish-deputetit socialist Rrahman Rraja

Dhunoi në tetor babë e bir të familjes Caca në Fushë-Krujë, arrestohet Ariel Rraja, nipi i ish-deputetit socialist Rrahman Rraja

23 Janar, 10:42