POP 5

Lajmet më të lexuara të 5 minutave të fundit

Sociale

Shtëpia u dëmtua nga tërmeti i nëntorit, familja Vuka në Lezhë pret ndërrimin e viteve në kontejner! Kryefamiljari i paralizuar, gruaja pa punë (VIDEO)

Familja Vuka nga Lezha po pret natën e ndërrimit të viteve në kontejner. Një festë e munguar kjo për familjen me 5 anëtarë, ku kryefamiljari është i paralizuar. Apeli i tyre është një shtëpi të re, pasi u dëmtuan nga tërmeti i 26 nëntorit 2019.

Për familjen Vuka në Pllanë të Lezhës nuk ka festë. Viti i ri 2021 do t'i gjejë sërish në kontejner. Banesa e tyre dy-katëshe u dëmtua rëndë nga tërmeti i 26-nëntorit të vitit 2019-të dhe që prej asaj kohe asgjë nuk ka ndryshuar.

Situata për ta bëhet më e vështire, pasi kryefamiljari është i paralizuar.

"Shumë e vështirë është për ne për familjen, gruan dhe kalamajtë", shprehet kryefamiljari Valentin Vuka.

"Më e vështirë nuk ka ku shkon por kush nuk e ka në shtëpi nuk e di. Shtëpinë e kam DS4, për shembje me u bë shtëpi e re. Më keq është për të sëmurin. Të sëmurit nuk i bëhet dot shërbimi në kontejner. Duhet t’i jap forcë vetes për hir të fëmijëve. Nuk kam parë as prefekt asgjë për të ardhur për të parë gjendjen”, tha bashkëshortja Donika Vuka.

 Bashkëshortet Vuka, prindër të tre fëmijëve kërkojnë rindërtimin e shtëpisë.

" Me bë diçka se s’ka Zot që rri këtu në këtë lloj çadre, natë e ditë është ftohtë”, tha Valentin Vuka.

Ndërsa Donika Vuka bashkëshortja tha se "Apel për shtetin kam, qëkur na ka lenë pas dore ka 14 muaj sa më shpejt për të ndihmuar familjen time, me vënë dorë më shumë prej të sëmurit.

Në situatë të ngjashme janë dhjetëra familje në fshatrat e Lezhës dhe Kurbinit, ndërsa rindërtimi i  banesave individuale të dëmtuara nga tërmeti ende nuk s'ka filluar.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fukarai: 03/01/2021 02:18

    Kjo eshte epoka e rilindjes se ed Rames fukarallek korrupsion dhe polarizim te ekstremshem te popullsise ku nje pakice kontrollon gjithcka me pasuri maramendese dhe nje shumice popullsije qe jetojne ne ekstremitetet e skamjes,dhe pavarsisht bandes kriminale te rilindjes mbulohen me nje emer PS PRANDAJ SHPETIMI ESHTE VOTE JO PER ED RAMEN ME BANDES E TIJE

    Përgjigju
  • Tralala zura nje gale: 30/12/2020 17:30

    Po ne po shohim perdite ne kronikat televizive kryeministrin dhe ministrin e rindertimit qe po inaugurojne shtepite e reja te ngritura ne zonat e demtuara nga termeti si nuk ja paskan rindertuar shtepine familjes Vukaj?

    Përgjigju
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

2 Nëntor, 17:15