POP 5

Lajmet më të lexuara të 5 minutave të fundit

Ekonomi

Shtëpitë dhe hotelet me qira gjatë sezonit të verës, Tatimet-qytetarëve: Paguani taksën 15%

Drejtoria e Përgjithshme e Tatimeve kërkon nga qytetarët të cilët japin apartamente me qira për sezonin e verës të regjistrohen vullnetarisht dhe të paguajnë detyrimin prej 15% pranë tatimeve në çdo zonë përfshi dhe ato bregdetare.

Operatorët turistik në vend përfshi ata të resorteve, hoteleve dhe banesave që jepen me qira për sezonin turistik duhet të deklarojnë këtë aktivitet tregtar pranë tatimeve dhe të paguajnë detyrimin prej 15%. Është ky njoftimi sensibilizues i Tatimeve bërë këtë të mërkurë që iu kujton këtyre operatorëve se duhet të respektojnë ligjin.

“Për një ecuri sa më pozitive të sezonit turistik, Drejtoria e Përgjithshme e Tatimeve, në kuadër edhe të masave që po zbaton, dëshiron t’ju bëjë me dije të gjithë atyre individëve, të cilët zotërojnë asetet të tilla, si shtëpi apo apartamente dhe i ofrojnë me qira, të shfrytëzojnë të drejtën për të përfituar të ardhura të ligjshme.

Drejtoria e Përgjithshme e Tatimeve, ju kujton, se në zbatim të ligjit nr.8438 datë 28.121998 “Për Tatimin mbi të Ardhurat” neni 8 dhe 9, këto të ardhura janë të tatueshme me shkallë tatimore 15% - sqarojnë tatimet në thirrjen e tyre drejtuar personave të paregjistruar. Sipas ligjit në fuqi, personat që fitojnë të ardhura nga qiratë duhet të paraqiten vetë pranë drejtorive rajonale të tatimeve për t’u regjistruar për këtë përgjegjësi tatimore.


(Njoftimi i Drejtorisë së Tatimeve drejtuar qytetarëve)

Por çfarë ndodh me ata persona që s'do ta respektojnë këtë detyrim ligjor?
Administrata Tatimore, nxit përmbushjen vullnetare dhe me korrektësi të detyrimeve tatimore, si për tatimpaguesit, ashtu edhe për individët. Ajo ju siguron se do të ndërmarrë të gjitha masat, jo vetëm për mbledhjen e të ardhurave, por edhe për të lehtësuar realizimin e detyrimeve ligjore.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Rusia dënon me mbi 4 vjet burg ish punonjësin e konsullatës amerikane

Rusia dënon me mbi 4 vjet burg ish punonjësin e konsullatës amerikane

2 Nëntor, 20:55