POP 5

Lajmet më të lexuara të 5 minutave të fundit

Sociale

Kultura

Kalaja e Lezhës pa rrugë, s’pret dot vizitorë! Turistët nuk shkojnë dot në monumentin e kulturës, nëse do kishte rrugë do priste 10-fishin e tyre

Autobusët me turistë nuk mund të kalojnë në rrugën që të çon për në Kalanë e Lezhës. E ndërtuar një dekadë më parë rruga është tepër e ngushtë, ndaj në këtë monument kulture, arrijnë të shkojnë më pak se 0,3% e turistëve. Përgjegjësi i Kalasë Ded Margjoni, thotë se nëse rruga do të ishte funksionale numri i turistëve do të ishte 10-fish më i lartë.

Në Kalanë Mesjetare të Lezhës, ku heroi ynë, Skënderbeu, lidhi besën me princat shqiptarë, hapat e vizitorëve që duan të shuajnë kërshërinë ndihen rrallë e më rrallë...

“Ora shënon 14:00 dhe deri në këtë orar nuk ka shkelur asnjë vizitor në Kalanë e Lezhës. Kjo situatë është e vazhdueshme”

Nga 1 milionë turistë që vijnë çdo vit në Lezhë, në më të mirën e rasteve vetëm 0,3 për qind e tyre mbërrijnë tek porta e Kalasë, që hap panoramën e “qytetit që qëndron në ajër”.

“Ka sot, akoma nuk ka asnjë vizitor”, tha Dedë Përgjoni.

Shkaku duket i lashtë si vetë ky monument kulture, e lidhet me mungesën e infrastrukturës së përshtatshme, që do t’u lejonte turistëve të shijonin peizazhin e arkitekturën e këtij aseti të ndodhur majë kodrës në lindje të qytetit.

“Mund të them 10-fishin nëse do të vinin ato autobusë me turistë”, tregoi ai.

Jo vetëm neglizhenca, por edhe gabimet e pushtetit lokal e qendror kanë bërë që kalaja të mos vizitohet për ditë të tëra.

“Një nga gabimet e mëdha që është bërë në projektin e asaj rruge është mos parashikimi i gjerësisë që do shërbente për tu ngjitur autobusët”, tha Përgjoni.

Ndërhyrjet e një dekade më parë në 1,8 km rrugë  që do të çonte turistët në kala, rezultojnë të papërshtatshme. Rruga është tepër e ngushtë,  e në të nuk mund të lëvizin mjetet e larta.

“Ke dy kthesa jashtëzakonisht të vështira, të cilat e bëjnë të pa mundur ngjitjen e autobusëve, sidomos ato me turistë të huaj që janë mësuar me rrugë me standarde”, përfundoi përgjegjësi i kalasë.

Përflitet për një tjetër plan, që parashikon një tjetër rrugë në anën jugore që lidh qytetin me kalanë, por sa kohë nuk ka afate të përcaktuara, Kalasë së Lezhës do t’i mungojnë vizitorët.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça