‘Shtetrrethim’ më 6 dhjetor, si do lëvizet në zonat e sigurisë

 

Duke nisur nga mesdita e së hënës më 5 dhjetor, të gjitha akset e përcaktuara si perimetër i sigurisë do të jenë të bllokuara për parkimin e automjeteve apo edhe për qarkullimin e tyre.  Lëvizja në këmbe do të lejohet vetëm për banorët rezidentë në ato lagje që përfshihen në perimetrin e sigurisë

Masat për garantimin e rendit dhe sigurisë për Samitin e 6 dhjetorit  do të nisin që një dite më parë. Që në  orën 14 të 5 dhjetor, deri në përfundimin e samitit  do të ndalohet  parkimi në disa akse  rrugore si dhe , qarkullimi i automjeteve dhe qytetarëve, ndërsa do të lejohet vetëm levizja e qytetarëve që janë banorë, brenda perimetrit të sigurisë.

Perimetri i Sigurisë kap këto akse:

-Bulevardi “Dëshorët e Kombit”, nga ura e Dajtit deri te Sheshi “Nënë Tereza”;

-Bulevardi “Bajram Curri” nga kryqëzimi me rrugën e “Elbasanit” deri te kryqëzimi me rrugën “Ibrahim Rugova”;

-Rruga “Papa Gjon Pali II” nga ETC-RTSH-Stadium;

-Rruga “Dervish Hima”;

-Rruga “Asim Zeneli”;

-Rruga “Themistokli Gërmenji”, pranë rrugës së Elbasanit dhe te kryqëzimi afër rrugës “Papa Gjon Pali II”;

-Rruga “Ismail Qemali”, nga kryqëzimi i Liceut deri te rruga e “Elbasanit”.

-Rruga “Mustafa Matohiti”, pranë shkollës “Kosova”;

-Rruga “Jul Variboba”, pranë postës, në rrugën e Elbasanit dhe rrugën “Papa Gjon Pali II”;

-Rruga “Fatmir Haxhiu”, te ETC;

-Rruga “Lekë Dukagjini”, nga sheshi “Frederik Shopen”, deri te stadiumi “Air Albania” dhe përreth stadiumit;

-Rruga “Skerdilajd Llagami”

-Rruga “Faik Konica”.

-Ndalim të qarkullimit të automjeteve do të ketë edhe në aksin rrugor;

-Rinas – Mbikalimi i Kasharit – Autostrada “Durrës – Tiranë” – Ish-sheshi “Shqiponja” – Unaza e Tiranës – Rrethrrotullimi i Saukut – Rrethrrotullimi pranë Akademisë së Policisë – Pallati i Brigadave – Rrethrrotullimi i qytetit “Studenti”, deri tek kryqëzimi me bulevardin “Bajram Curri”.

-Kufizime të qarkullimit të automjeteve të tonazhit të rëndë, do të ketë në aksin rrugor “Shkodër – Lezhë – Milot – Thumanë - Fushë Krujë – Vorë”. 

Qytetarët do të përdorin rrugë alternative për të hyrë e dalë nga Tirana.

Ndrësa punonjesit e radiotelevizionit, kryeministrisë kuvendit si dhe gazetarët do të levizin në këmbë dhe ne akset e percaktuara nga policia.

Lajmi kryesor:

Samiti i BE në Tiranë, Drejtori i Policisë: Plan të detajuar masash! Nuk refuzojmë protestat por siguria është prioritare mbi preferencat gjeografike (Të Berishës)

/LR/Shqiptarja.com

TAG:
• Samiti i BE ne Tirane
• policia e shtetit
• Muhamet Rrumbullaku
• 6 dhjetori i Berishes
• Bledi Cuci